ଶତ୍ରୁଘ୍ନ ସିହ୍ନା କଂଗ୍ରେସରେ ମିଶିବା ପରେ ଅରୁଣ ଜେଟ୍ଲୀଙ୍କ କଟାକ୍ଷ, କହିଲେ; ଧନ୍ୟବାଦ୍ କଂଗ୍ରେସ, ଆମ ମୁଣ୍ଡବିନ୍ଧା ଏବେ ତୁମ ପାଖରେ
ନୂଆଦିଲ୍ଲୀ : ଭାରତୀୟ ଜନତା ପାର୍ଟିର ସାଂସଦ ଶତ୍ରୁଘ୍ନ ସିହ୍ନା ଲୋକସଭା ନିର୍ବାଚନ ପୂର୍ବରୁ କଂଗ୍ରେସରେ ଯୋଗ ଦେବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ତେବେ କଂଗ୍ରେସରେ ଯୋଗ ଦେବାର ଖବର ଆସିବା ପରେ ଅର୍ଥମନ୍ତ୍ରୀ ଅରୁଣ ଜେଟ୍ଲୀ ନିଜର ପ୍ରତିକ୍ରିୟା ରଖିଛନ୍ତି । ଶତ୍ରୁଘ୍ନ ସିହ୍ନାଙ୍କୁ ‘ମୁଣ୍ଡବିନ୍ଧା’ ବୋଲି କହିବା ସହ କଂଗ୍ରେସ ତାଙ୍କୁ ସ୍ୱୀକାର କରିଥିବାରୁ ଧନ୍ୟବାଦ୍ ଜଣାଇଛନ୍ତି ଅରୁଣ ଜେଟ୍ଲୀ ।
Sambad is now on WhatsApp
Join and get latest news updates delivered to you via WhatsApp
ନିଜର ଫେସ୍ବୁକ୍ ବ୍ଲଗ୍ରେ .ସେ .ଲେଖିଛନ୍ତି, ବିଜେପିର କିଛି ଜଣାଶୁଣା ଚେହେରାକୁ କଂଗ୍ରେସ ଉପହାର ଆକାରରେ ସ୍ୱୀକାର କରି ନେଇଛି । ଆମେ କଂଗ୍ରେସକୁ ସେଥିପାଇଁ ଧନ୍ୟବାଦ୍ ଜଣାଉଛୁ । କାରଣ ଏବେ ଆମର ମୁଣ୍ଡବିନ୍ଧା ତାଙ୍କର ହୋଇ ଯାଇଛି । ଗୁଡ୍ ଲକ୍ ଲେଖି ପୋଷ୍ଟ କରିଥିଲେ ଜେଟ୍ଲୀ । ତାଙ୍କର ଏଭଳି ପୋଷ୍ଟ ଏବେ ଚର୍ଚ୍ଚାର ବିଷୟ ପାଲଟିଥିବା ବେଳେ କିଛି ତାଙ୍କୁ ବିରୋଧ କରିଥିବା ମଧ୍ୟ ଦେଖା ଯାଇଛି ।