ଏହି କାରଣ ପାଇଁ ବ୍ରେନ୍ ଟ୍ୟୁମରର ଅସ୍ତ୍ରୋପଚାର ଚାଲିଥିବା ବେଳେ ପରିବାର ସହ ଭିଡିଓ କଲ୍ କରି କଥା ହେଲେ ଯୁବକ
ନୂଆଦିଲ୍ଲୀ: ଲକ୍ଷ୍ନୌର ଆପୋଲୋମେଡିକ୍ସ ସୁପର ସ୍ପେଶାଲିଟି ହସ୍ପିଟାଲରେ ହୋଇଥିବା ଜଣେ ଯୁବକଙ୍କ ବ୍ରେନ୍ ଟ୍ୟୁମର ଅସ୍ତ୍ରୋପଚାରକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଅସ୍ତ୍ରୋପଚାର ଆରମ୍ଭରୁ ଶେଷ ହେବା ପର୍ଯ୍ୟନ୍ତ ଯୁବକଜଣଙ୍କ ନିଜ ପରିବାର ସହ ଭିଡିଓ କଲ ଜରିଆରେ କଥା ହୋଇଥିଲେ । ଅସ୍ତ୍ରୋପଚାରର ଡ଼ର ଯେମିତି ମନକୁ ନ ଆସୁ ସେଥିପାଇଁ ଡାକ୍ତର ଯୁବକଙ୍କୁ ଏଭଳି କରିବାକୁ ପରାମର୍ଶ ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଅସ୍ତ୍ରୋପଚାର କରିଥିବା ନ୍ୟୁରୋସର୍ଜନ ରବିଶଙ୍କରଙ୍କ କହିବା ଅନୁଯାୟୀ, ବ୍ରେନ୍ ଟ୍ୟୁମର ଅସ୍ତ୍ରୋପଚାରେ ରୋଗୀକୁ ଅଚେତ କରିବାର କୌଣସି ଆବଶ୍ୟକ ନଥାଏ । କିନ୍ତୁ ଅନେକ ସମୟରେ ରୋଗୀ ଡ଼ରିଯିବା ସହ ଚିନ୍ତାଗ୍ରସ୍ତ ହୋଇ ପଡ଼ନ୍ତି । ସେ ସବୁ ସମସ୍ୟାକୁ ଆଖି ଆଗରେ ରଖି ଆମେ ସଚ୍ଚିନଙ୍କୁ ନିଜ ପରିବାର ସହ ଭିଡିଓ କଲ୍ ଜରିଆରେ କଥା ହେବା ପାଇଁ କହିଥିଲୁ । ସେ ନିଜ ପରିବାର ସହ ନିଜ ଭବିଷ୍ୟତ ବିଷୟରେ କଥା ହୋଇଥିଲେ । ସଚ୍ଚିନଙ୍କ ବ୍ରେନ୍ ଟ୍ୟୁମର ଅସ୍ତ୍ରୋପଚାର ପ୍ରାୟ ୪ଘଣ୍ଟା ପର୍ଯ୍ୟନ୍ତ ଚାଲିଥିଲା । ଏବେ ସେ ସୁସ୍ଥ ଥିବା ସହ ତାଙ୍କ ଅବସ୍ଥାରେ ସୁଧାର ଆସୁଥିବା କହିଛନ୍ତି ନ୍ୟୁରୋସର୍ଜନ ରବିଶଙ୍କର ।