ମାଲେ : ଭାରତ ମହାସାଗରରେ ଥିବା ଦ୍ୱୀପରାଷ୍ଟ୍ର ମାଳଦ୍ୱୀପ ଯାଇ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କି ମନ୍ତ୍ର ଫୁଙ୍କିଲେ କେଜାଣି, ସେଠାକାର ସରକାର ଚୀନକୁ ଦେଖିଲେ ଚିଡୁଛନ୍ତି । ପୂର୍ବତନ ରାଷ୍ଟ୍ରପତି ଅବଦୁଲ୍ଲା ୟମିନ ଚୀନ ଓ ପାକିସ୍ତାନ ଦ୍ୱାରା ପ୍ରଭାବିତ ହୋଇ ଭାରତ ପ୍ରତି ଶତ୍ରୁତା ଆଚରଣ କରୁଥିଲେ । କିନ୍ତୁ ଏବେ ସ୍ଥିତି ସମ୍ପୂର୍ଣ୍ଣ ଓଲଟା ।
Sambad is now on WhatsApp
Join and get latest news updates delivered to you via WhatsApp
ଆଜି ମାଳଦ୍ୱୀପର ନୂଆ ସରକାର କହିଛନ୍ତି ଯେ ଗତ ସରକାରଙ୍କ ଅମଳରେ ଚୀନ ସହିତ ହୋଇଥିବା ମୁକ୍ତ ବାଣିଜ୍ୟ ରାଜିନାମାକୁ ରଦ୍ଦ କରାଯିବ । “ଏହି ରାଜିନମା ସଂପୂର୍ଣ୍ଣ ଏକପାଖିଆ ଥିଲା । ଚୀନ ଆମଠାରୁ କୌଣସି ସାମଗ୍ରୀ କିଣୁନଥିବାବେଳେ ଆମେ ତାଠାରୁ ଅଧିକ ସାମଗ୍ରୀ କିଣୁଥିଲୁ । ଏଣୁ ଏହି ଚୁକ୍ତିକୁ ରଦ୍ଦ କରାଯିବ” କହିଛନ୍ତି ମାଳଦ୍ୱୀପ ଡେମୋକ୍ରାଟିକ ପାର୍ଟିର ନେତା ମହମ୍ମଦ ନସିଦ ।
ଗତ ସପ୍ତାହରେ ମାଳଦ୍ୱୀପର ନୂଆ ରାଷ୍ଟ୍ରପତି ଇବ୍ରାହିମ ମହମ୍ମଦ ସୋଲିଙ୍କ ଶପଥ ଗ୍ରହଣ ଉତ୍ସବରେ ଭାରତର ପ୍ରଧାନମନ୍ତ୍ରୀ ମୋଦି ଯୋଗ ଦେଇଥିଲେ । ଅନ୍ୟପକ୍ଷରେ ଭାରତ ପକ୍ଷରୁ ଦିଆଯାଇଥିବା ଦୁଇଟି ଧ୍ରୁବ ହେଲିକାପ୍ଟରକୁ ରଖିବା ପାଇଁ ମାଳଦ୍ୱୀପ ରାଜି ହୋଇଛି । ମାଳଦ୍ୱୀପର ନବନିଯୁକ୍ତ ପ୍ରତିରକ୍ଷାମନ୍ତ୍ରୀ ମାରିୟା ଦିଦି ଏ ସଂପର୍କରେ ସୂଚନା ଦେଇଛନ୍ତି । ସେ କହିଛନ୍ତି ଯେ ଆମର ସଂସ୍କୃତି ଏହା ନୁହେଁ ଯେ ଏକ ବନ୍ଧୁରାଷ୍ଟ୍ରଠାରୁ ଅଣାଯାଇଥିବା ଉପହାର ଫେରସ୍ତ ଦେଇଦେବୁ । ପୂର୍ବ ସରକାର ଏହାକୁ ଫେରାଇ ନେବାକୁ କହିଥିଲେ ।