ଯଦି ଭଗବାନ ରାମଙ୍କ ମୂର୍ତ୍ତି ତିଆରି ହୋଇ ପାରିବ ତେବେ ମୋର କାହିଁକି ନୁହେଁ? ପ୍ରଶ୍ନ କଲେ ବିଏସପି ନେତ୍ରୀ ମାୟାବତୀ
ନୂଆଦିଲ୍ଲୀ : ବହୁଜନ ସମାଜବାଦୀ ପାର୍ଟିର ସୁପ୍ରିମୋ ମାୟାବତୀ ଏବେ ନିଜ ମୂର୍ତ୍ତି ତିଆରି କରିବାକୁ ନେଇ ଚର୍ଚ୍ଚାରେ ରହିଛନ୍ତି । ଦଳିତ ମୁଖ୍ୟମାନଙ୍କର ତିଆରି କରାଯାଇଥିବା ପ୍ରତିମୂର୍ତ୍ତି ସହିତ ନିଜର ମୂର୍ତ୍ତି ତିଆରି କରିବା ପାଇଁ ସେ ଖର୍ଚ୍ଚ କରିଥିବା ଟଙ୍କାକୁ ନେଇ ସୁପ୍ରିମକୋର୍ଟ ତାଙ୍କୁ କାରଣ ଦର୍ଶାଅ ନୋଟିସ୍ ପଠାଇଥିବା ବେଳେ ଏହାର ଜବାବ ରଖିଛନ୍ତି ମୟାବତୀ ।
Sambad is now on WhatsApp
Join and get latest news updates delivered to you via WhatsApp
ଯଦି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କର ୨୨୧ଫୁଟର ମୂର୍ତ୍ତି ତିଆରି ହୋଇ ପାରିବ ତେବେ ମୋର କାହିଁକି ନୁହେଁ ବୋଲି କହିଛନ୍ତି ମାୟାବତୀ । ଏ ଦେଶରେ ମୂର୍ତ୍ତି ତିଆରି କରିବାର ପରମ୍ପରା ଅତି ପୁରୁଣା । କଂଗ୍ରେସର ଶାସନ କାଳରେ ଜବାହାରଲାଲ ନେହେରୁ, ରାଜୀବ ଗାନ୍ଧୀ, ପିଭି ନରସିଂହା ରାଓଙ୍କର ମୂର୍ତ୍ତି ତିଆରି କରାଯାଇଥିଲା, ଯାହା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରିଥିଲେ । କିନ୍ତୁ ସେତେବେଳେ କେହି ସରକାରଙ୍କର ଏଭଳି କାମ ଉପରେ ପ୍ରଶ୍ନ ଉଠାଇ ନଥିଲେ ଏବଂ ସୁପ୍ରିମ କୋର୍ଟରେ ମଧ୍ୟ ଅଭିଯୋଗ କରି ନଥିଲେ । ତେବେ ଏବେ କାହିଁକି ଉଠାଉଛନ୍ତି । ମୁଁ ମୋ ସାରା ଜୀବନ ଦଳିତମାନଙ୍କ ସେବାରେ ବିତାଇ ଦେଇଛି । ଏଥି ପାଇଁ ମୁଁ ବିବାହ କରି ନାହିଁ । ସେ ହିସାବରେ ମୋର ମଧ୍ୟ ମୂର୍ତ୍ତି ତିଆରି ହେବା ଦରକାର ବୋଲି କହିଛନ୍ତି ମୟାବତୀ ।