ଗ୍ଲିଟର ଆର୍ଟିଷ୍ଟ ହେବା ପାଇଁ ନିଜ ଚାକିରି ଛାଡ଼ିଥିଲେ ଏହି ପକିସ୍ତାନୀ ଦାନ୍ତ ଡ଼ାକ୍ତର, ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ତାଙ୍କ ଚମତ୍କାର ଗ୍ଲିଟର ଆର୍ଟର ଫଟୋ
ନୂଆଦିଲ୍ଲୀ: ବେଳେ ବେଳେ ପରିସ୍ଥିତିରେ ପଡ଼ି କିଛି ଲୋକ ନିଜର ସ୍ୱପ୍ନକୁ ପୂରା କରି ପାରନ୍ତି ନାହିଁ । ନିଜର ସ୍ୱପ୍ନ କିଛି ଅଲଗା ଥିବା ବେଳେ ଲୋକମାନେ ଅନ୍ୟର ସ୍ୱପ୍ନ ପୂରା କରିବାରେ ଲାଗି ପଡ଼ିଥାନ୍ତି । କିନ୍ତୁ ବେଳେ ବେଳେ କିଛି ଲୋକ ଜୀବନର ଅଧା ରାସ୍ତାରେ ନିଜ ସ୍ୱପ୍ନ ବିଷୟରେ ପୁଣି ଭାବିବା ସହ ତାକୁ ପୂରା କରିବା ପାଇଁ ଲାଗି ପଡ଼ିଥାନ୍ତି । ସେମିତି ଏକ ଘଟଣା ଘଟିଛି ପାକିସ୍ତାନରେ । ପେଶାରେ ଜଣେ ଦାନ୍ତ ଡ଼ାକ୍ତର ହୋଇଥିବା ସାରା ଶକିଲ ନିଜର ଅଧୁରା ରହିଥିବା ସ୍ୱପ୍ନକୁ ପୂରା କରିବା ପାଇଁ ଡ଼ାକ୍ତରୀ ଚାକିରି ଛାଡ଼ିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଛୋଟବେଳୁ ସେ ଗ୍ଲିଟର ଆର୍ଟିଷ୍ଟ ହେବା ପାଇଁ ଚାହୁଁଥବା ବେଳେ ପରିବାର ପାଇଁ ସେ ଦାନ୍ତ ଡ଼ାକ୍ତର ହୋଇ ଯାଇଥିଲେ । କିନ୍ତୁ ଏବେ ସେ ନିଜର ସ୍ୱପ୍ନକୁ ସାକାର କରିବା ପଛରେ ଧାଇଁଥିବା ଜଣା ପଡ଼ିଛି । ଚାକିରି ଛାଡ଼ି ସେ ଗ୍ଲିଟର ଆର୍ଟିଷ୍ଟ ହିସାବାରେ ଅନେକ ନୂଆ ଜିନିଷକୁ ରୂପ ଦେଇଥିଲେ । ଯାହା ଫଟୋ ସେ ଇନ୍ଷ୍ଟାରେ ଛାଡ଼ିବା ପରେ ଏବେ ସେ ସୋସିଆଲ ମିଡିଆରେ ଷ୍ଟାର ପାଲଟି ଯାଇଥିବା ଜଣା ପଡ଼ିଛି । ଇନ୍ଷ୍ଟାରେ ସେ ଭିନ୍ନ ଭିନ୍ନ ପ୍ରକାରର ଜିନିଷରେ ନିଜର ଖାସ୍ ଯାଦୁ କରିଥିବା ବେଳେ ତାହା ସମସ୍ତଙ୍କୁ ଆକର୍ଷିତ କରିବାରେ ଲାଗିଛି ।