ଶ୍ରୀଲଙ୍କା ଉପରୁ ବିପଦ ଟଳିନାହିଁ, ଆଗକୁ ଆହୁରି ବିସ୍ଫୋରଣ ଆଶଙ୍କା
କଲମ୍ବୋ : ଗତ ରବିବାରଦିନ ହୋଇଥିବା ଭୟଙ୍କର ସିରିଜ ବିସ୍ଫୋରଣ ସତ୍ତ୍ୱେ ଶ୍ରୀଲଙ୍କା ଉପରୁ ବିପଦ ଟଳିନାହିଁ । ଆଗକୁ ଆହୁରି ବିପଦର ଆଶଙ୍କା କରୁଛନ୍ତି ଶ୍ରୀଲଙ୍କା ସରକାର । ଗୁରୁବାରଦିନ ରାଜଧାନୀ କଲମ୍ବୋଠାରୁ ୪୦ କିଲୋମିଟର ଦୂର ପୁଗୋଡା ଟାଉନରେ ଆଉ ଏକ ଛୋଟ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣଟି ସ୍ଥାନୀୟ ମାଜିଷ୍ଟ୍ରେଟ କୋର୍ଟ ନିକଟରେ ଥିବା ଏକ ଖାଲି ଅଳିଆଗଦାରେ ହୋଇଥିଲା । ଏଥିରେ କୌଣସି ଜନଜୀବନ ହାନୀ ହୋଇନଥିଲେ ମଧ୍ୟ ବିପଦଟଳିନଥିବା ସ୍ପଷ୍ଟ ହୋଇଯାଇଛି । ପୁଲିସ ଘଟଣାର ତଦନ୍ତ କରୁଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଗୁଇନ୍ଦା ବିଭାଗ ଆଗକୁ ଆହୁରି ବିସ୍ଫୋରଣର ହେବାର ଆଶଙ୍କା ବ୍ୟକ୍ତ କରୁଥିବାରୁ ଗୁରୁବାରଦିନ କଲମ୍ବୋରେ ହାଇଆଲର୍ଟ ଜାରି କରାଯାଇଥିଲା । ପୁଲିସ ପକ୍ଷରୁ ପ୍ରତି ଯାନବାହାନ ଓ ସଂଦିଗ୍ଧ ସ୍ଥାନର ଯାଞ୍ଚ କରାଯାଉଛି । ଆଜି ପୂର୍ବାହ୍ନରେ ଶ୍ରୀଲଙ୍କାର କେନ୍ଦ୍ରୀୟ ବ୍ୟାଙ୍କ ସମେତ ଅନେକ ଅଫିସର କର୍ମଚାରୀଙ୍କୁ ପ୍ରାୟ ୧ ଘଣ୍ଟା ଧରି ନିଜର ଅଫିସରୁ ବାହାରକୁ ନ ବାହାରିବା ପାଇଁ କୁହାଯାଇଥିଲା ।