କଂଗ୍ରେସର ଅଭିଯୋଗ : ମୋଦି ନିଜର ପୁଞ୍ଜିପତି ବନ୍ଧୁଙ୍କ କମ୍ପାନିକୁ ଉଠାଇବା ପାଇଁ ବିଏସଏନଏଲକୁ ବୁଡାଇଦେଲେ
ନୂଆଦିଲ୍ଲୀ : ରାଷ୍ଟ୍ରାୟତ ଟେଲିକମ କମ୍ପାନି ବିଏସଏନଏଲ ର ପ୍ରାୟ ୫୪ ହଜାର କର୍ମଚାରୀ ଛଟେଇ ହେବା ପ୍ରସଙ୍ଗରେ ମୋଦି ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ମୋଦି ନିଜର ପୁଞ୍ଜିପତି ବନ୍ଧୁମାନଙ୍କ ସ୍ୱାର୍ଥରକ୍ଷା ପାଇଁ ରାଷ୍ଟ୍ରାୟତ କମ୍ପାନି ବିଏସଏନଏଲକୁ ଋଗ୍ଣ କରିଦେଇଛନ୍ତି । କଂଗ୍ରେସ ମୁଖପାତ୍ର ରଣଦୀପ ସୂର୍ଯ୍ୟେଓ୍ଵାଲା କହିଛନ୍ତି ଯେ ବିଏସଏନଏଲ, ଏମଟିଏନଏଲ କାହାର ସଂପତ୍ତି ? ଦେଶର ୧୩୦ କୋଟି ଜନତାଙ୍କର ।
Sambad is now on WhatsApp
Join and get latest news updates delivered to you via WhatsApp
ଏହି ଦୁଇ ସରକାରୀ ମାଲିକାନାରେ ଥିବା କମ୍ପାନିକୁ ବୁଡେଇଦିଆଯାଉଛି, ଏମାନଙ୍କ ଉପରେ ରହିଛି ହଜାର ହଜାର କୋଟି ଟଙ୍କାର ଋଣବୋଝ । ଅନ୍ୟପକ୍ଷରେ ମୋଦି ନିଜର ପୁଞ୍ଜିପତି ବନ୍ଧୁମାନଙ୍କ କମ୍ପାନିକୁ ପ୍ରମୋଟ କରୁଛନ୍ତି ବୋଲି ସେ ଅଭିଯୋଗ କରିଛନ୍ତି ।
ଗତକାଲି ଏକ ଇଂରାଜୀ ଖବରକାଗଜରେ ଖବର ପ୍ରକାଶ ପାଇଥିଲା ଯେ ବିଏସଏନଏଲର ସ୍ଥିତି ଏବେ ଭଲ ନାହିଁ । କମ୍ପାନିର କ୍ଷତି ବଢିଚାଲିଥିବାବେଳେ କର୍ମଚାରୀମାନଙ୍କ ଦରମା ବିଳମ୍ବିତ ହୋଇଛି । ଏଥିପାଇଁ ନିଜର ପ୍ରାୟ ୫୪ ହଜାର କର୍ମଚାରୀଙ୍କୁ ଛେଟେଇ କରିବାକୁ ବିଏସଏନଏଲ ନିଷ୍ପତ୍ତି ନେଇଛି । ଏହା ସହିତ କମ୍ପାନି ନିଜ କର୍ମଚାରୀଙ୍କ ଅବସର ବୟସସୀମା ୫୮ ବର୍ଷକୁ ବଦଳାଇଦେଇଛି ।