ଭାରତରେ ମୋମୋ ଚ୍ୟାଲେଞ୍ଜ ନେଲା ପ୍ରଥମ ଜୀବନ,ବେକରେ ରଶିି ଲଗାଇ ଆତ୍ମହତ୍ୟା କଲେ କଲେଜ ଛାତ୍ର
ଦାର୍ଜିଲିଂ : କିଛି ଦିନ ହେବ ମୋମୋ ଚ୍ୟାଲେଞ୍ଜକୁ ନେଇ ଦେଶରେ ଲୋକମାନଙ୍କୁ ସତର୍କ କରାଯାଉଥିବା ବେଳେ ଏବେ ଦାର୍ଜିିଲିଂରେ ପ୍ରଥମ ଜୀବନ ନେଇଛି ଏହି ଚ୍ୟାଲେଞ୍ଜ । ମନୀଷ ନାମକ୧୮ବର୍ଷୀୟ ଯୁବକ ନିଜ ଘର ଠାରୁ କିଛି ଦୂରରେ ଫାଶୀ ଦେଇ ଆତ୍ମହତ୍ୟା କରିଥିବା ଜଣାପଡ଼ିଛି । ଆତ୍ମହତ୍ୟା କରିଥିବା ସ୍ଥାନରେ ଅଜବ ଧରଣର ଚିତ୍ର ଅଙ୍କା ଯାଇଥିବା ବେଳେ ‘ଇଲୁମିନାଟି’, ‘ହ୍ୟାଙ୍ଗଡ଼୍ ମ୍ୟାନ୍’ ଏବଂ ‘ଡ଼େଭିଲ୍ସ ଓ୍ଵାନ ଆଏ’ ଭଳି ଶବ୍ଦ ଲେଖାଯାଇଥିବା ଦେଖାଯାଇଛି । ଏ ସବୁ ସଙ୍କେତରୁ ପୁଲିସ ଏହା ମୋମୋ ଚ୍ୟାଲେଞ୍ଜର ପରିଣତି ବୋଲି ସନ୍ଦେହ କରିଛି । ଘଟଣାର ସତ୍ୟାସତ୍ୟ ଜାଣିବା ପାଇଁ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ମନୀଷ ପଢ଼ୁଥିବା କଲେଜର ଶିକ୍ଷୟତ୍ରୀଙ୍କ କହିବା ଅନୁଯାୟୀ, ସ୍କୁଲର କିଛି ପିଲା ମୋମୋ ଚ୍ୟାଲେଞ୍ଜ ଖେଳିବା ଆରମ୍ଭ କରିଥିଲେ । କିନ୍ତୁ କିଛି ସମୟ ପରେ ସେମାନେ ଏହାକୁ ଖେଳିବା ବନ୍ଦ କରି ଦେଇଥିଲେ । ବୋଧ ହୁଏ ମନୀଷ ଏହାକୁ ବନ୍ଦ ନ କରି ଖେଳୁଥିବାରୁ ତାଙ୍କ ସହ ଏପରି ଘଟିଛି । ତେବେ ପ୍ରକୃତ ଘଟଣା କ’ଣ ତାହା ସ୍ପଷ୍ଟ ହୋଇ ନାହିଁ ।