ମୁମ୍ବାଇର ଏମ୍ଟିଏନ୍ଏଲ୍ ଅଫିସରେ ନିଆଁ, ଫସି ରହିଛନ୍ତି ୧୦୦ରୁ ଊର୍ଦ୍ଧ୍ୱ ଲୋକ
ମୁମ୍ବାଇ : ମୁମ୍ବାଇର ବାନ୍ଦ୍ରା େଓ୍ଵଷ୍ଟ ଅଞ୍ଚଳରେ ଥିବା ମହାନଗର ଟେଲିଫୋନ ନିଗମ ଲିମିଟେଡ୍(ଏମ୍ଟିଏନ୍ଏଲ୍) ଅଫିସରେ ହଠାତ ଭୀଷଣ ନିଆଁ ଲାଗି ଯାଇଥିବାର ଖବର ମିଳିଛି । ଘଟଣାଟି ସୋମବାର ଦିନ ୩ଟା ସମୟରେ ଘଟିଥିବା ବେଳେ କୋଠା ଭିତରେ ୧୦୦ରୁ ଊର୍ଦ୍ଧ୍ୱ ଲୋକ ଫସି ରହିଥିବା ନେଇ ସୂଚନା ମିଳିଛି । ଘଟଣାସ୍ଥଳରେ ଅଗ୍ନିଶମ ବିଭାଗର ୧୪ଟି ଗାଡ଼ି ପହଞ୍ଚିଥିବା ବେଳେ ଲାଗିଥିବା ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରହିଛି । ୯ ମହଲା କୋଠାର ତୃତୀୟ ଓ ଚତୁର୍ଥ ମହଲାରେ ନିଆଁ ଲାଗିଥିବା ଜଣାପଡ଼ିଛି । କିଛି ଲୋକ ଭୟରେ କୋଠା ଉପରକୁ ଚାଲି ଯାଇଥିବା ବେଳେ କିଛି ଲୋକଙ୍କୁ ଉଦ୍ଧାର କରାଯାଇଛି । କିନ୍ତୁ ଏବେ ବି ୧୦୦ରୁ ଊର୍ଦ୍ଧ୍ୱ ଲୋକ ଭିତରେ ଫସି ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
#WATCH Mumbai: A level 4 fire has broken out in MTNL Building in Bandra, 14 fire tenders are present at the spot. Fire fighting operations are underway. Approximately 100 people are reportedly trapped on the terrace of the building. More details awaited. pic.twitter.com/CVCAP8Tjj2
— ANI (@ANI) July 22, 2019
ମିଳିଥିବା ସୂଚନା ମୁତାବକ, ସର୍ଟସର୍କିଟ ହୋଇ ନିଆଁ ଲାଗିଥିବା ବେଳେ ଏ ପର୍ଯ୍ୟନ୍ତ କେହି ମୃତାହତ ହୋଇ ନାହାନ୍ତି । ଅଗ୍ନିଶମ ବିଭାଗର କର୍ମଚାରୀ ନିଆଁ ଲିଭାଇବା ସହ ଲୋକଙ୍କ ଉଦ୍ଧାରକାର୍ଯ୍ୟ ଜାରି ରଖିଛନ୍ତି ।