ଖୋଲା ନାଳରେ ଭାସିଗଲା ୩ବର୍ଷର ଶିଶୁ, ସିସିଟିଭିରେ କଏଦ ହେଲା ଚିତ୍ର

ଶିଶୁଟିଏ  ମ୍ୟାନହୋଲରେ ଖସିପଡିଲା । ମ୍ୟାନହୋଲରେ ପଡିଯିବା ପରେ ଖୋଲା ନାଳରେ ୩ବର୍ଷର ଶିଶୁଟି ଭାସିଯାଇଛି । ମୁମ୍ବାଇ ଗୋରେଗାଓଁରେ ଘଟିଛି ଏହି ଅଭାବନୀୟ ଘଟଣା ,ଯାହାର ଚିତ୍ର ସିସିଟିଭିରେ କଏଦ ହୋଇଛି । ଗତକାଲି ବିଳମ୍ବିତ ରାତିରେ ଘଟିଛି ଏହି ଘଟଣା । ଘରୁ ବାହାରକୁ ଆସିଥିବା ସମୟରେ ଖୋଲା ନାଳରେ ଖସିପଡ଼ିଥିଲା ଶିଶୁପୁତ୍ର । ୩ବର୍ଷ ଶିଶୁର ନାଁ ହେଉଛି ଦିବ୍ୟାଂଶୁ । ଘଟଣା ସ୍ଥଳରେ ପୋଲିସ, ବିଏମସି ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ହେଲେ ଏପର୍ଯ୍ୟନ୍ତ  ଶିଶୁର କୌଣସି ସନ୍ଧାନ ମିଳିପାରି ନାହିଁ ।

ପିଲାଟି ନାଳରେ ପଡ଼ିଯିବାର ପୁରା ଘଟଣା ସିସିଟିଭିରେ କଏଦ ହୋଇଛି , ଯାହା ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଶିଶୁଟି ଖେଳୁଥିବା ସମୟରେ ଘର ବାହାର ରାସ୍ତାକୁ ଆସିଥିବା ଦେଖିବାକୁ ମିଳିଛି , ହେଲେ ସେଠାରୁ ଘରକୁ ଫେରିବା ସମୟରେ ଶିଶୁଟିର ପାଦ ଖସି ଯାଇଥିଲା । ପାଖରେ ଥିବା ଖୋଲା ନାଳରେ ୨ବର୍ଷର ଶିଶୁଟି ଖସି ପଡ଼ିଥିଲା ।

#WATCH Mumbai: A 3-year-old boy fell in a gutter in Ambedkar Nagar area of Goregaon around 10:24 pm yesterday. Rescue operations underway. #Maharashtra pic.twitter.com/kx2vlJAN5C

— ANI (@ANI) July 11, 2019

 

ନାଳରେ ପାଣିର ସ୍ରୋତ ପ୍ରଖର ଥିବାରୁ ତତକ୍ଷଣାତ ଭାସିଯାଇଥିଲା ଶିଶୁ । ଘଟଣା ସ୍ଥଳରେ କେହି ଉପସ୍ଥିତ ନ ଥିବାରୁ ଶିଶୁକୁ ସେହି ନାଳରୁ ଉଦ୍ଧାର ହୋଇପାରିନଥିଲେ । ଘଟଣା ଘଟିଯିବାର ୨୦ ରୁ ୩୦ ସେକେଣ୍ଡ ପରେ ଦିବ୍ୟାଂଶୁଙ୍କ ମା ପିଲାକୁ ଖୋଜିଥିଲେ । ହେଲେ ପୁଅର କୌଣସି ସନ୍ଧାନ ପାଇ ନଥିଲେ । ପରେ ନିକଟରେ ଥିବା ମସଜିଦର ସିସିଟିଭି ଫୁଟେଜ ଦେଖିବା ପରେ ଘଟଣା ସଂପର୍କରେ ଜାଣିପାରିଥିଲେ ପରିବାର ଲୋକ ।