ସୁରଟ୍ ଦୁଷ୍କର୍ମ ମାମଲା : ଦୋଷୀ ସାବ୍ୟସ୍ତ ହେଲେ ଆଶାରାମଙ୍କ ପୁଅ ନାରାୟଣ ସାଇ, ଏପ୍ରିଲ ୩୦ରେ ଦଣ୍ଡ ଶୁଣାଇବେ ଅଦାଲତ
ସୁରଟ୍ : ଧର୍ମଗୁରୁ ଆଶାରାମ ବାପୁଙ୍କ ପୁଅ ନାରାୟଣ ସାଇଙ୍କୁ ଶୁକ୍ରବାର ଦୁଷ୍କର୍ମ ଅଭିଯୋଗରେ ଦୋଷୀ ସାବ୍ୟସ୍ତ କରିଛନ୍ତି ସୁରଟ୍ ସେସନ କୋର୍ଟ। ନାରାୟଣ ସାଇଙ୍କ ବିରୋଧରେ ସୁରଟ୍ର ଦୁଇ ଭଉଣୀ ଦୁଷ୍କର୍ମର ଅଭିଯୋଗ ଆଣିଥିଲେ । ଅଦାଲତ ଏହି ମାମଲାକୁ ବିଚାର କରି ନାରାୟଣ ସାଇଙ୍କୁ ଦୋଷୀ ସାବ୍ୟସ୍ତ କରିବା ସହ ଏପ୍ରିଲ ୩୦ରେ ଦଣ୍ଡ ଶୁଣାଇାବ ବୋଲି ଘୋଷଣା କରିଛନ୍ତି । ୧୧ବର୍ଷ ପୁରୁଣା ଏହି ମାମଲା ଉପରେ ଅଦାଲତ ଆଜି ରାୟ ଶୁଣାଇଛନ୍ତି । ନାରାୟଣଙ୍କ ଭଳି ତାଙ୍କ ବାପା ମଧ୍ୟ ଦୁଷ୍କର୍ମ ମାମଲାକୁ ନେଇ ଯୋଧପୁର ଜେଲ୍ରେ ବନ୍ଦୀ ଅଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୁଲିସ ୨୦୧୩ରେ ଦୁଇ ପୀଡ଼ିତା ଭଉଣୀଙ୍କ ବୟାନ ରେକର୍ଡ କରିବା ସହ ପ୍ରମାଣ ଆଧାରରେ ଆଶାରାମ ବାପୁ ଏବଂ ନାରାୟଣ ସାଇଙ୍କ ବିରୋଧରେ ମାମଲା ରୁଜୁ କରିଥିଲା । ଦୁଇ ଭଉଣୀଙ୍କ ମଧ୍ୟରୁ ସାନ ଭଉଣୀ ନାରାୟଣ ସାଇଙ୍କ ବିରୋଧରେ ପ୍ରମାଣ ଦେବା ସହ ଦୁଷ୍କର୍ମ କରାଯାଉଥିବା ଆଡ୍ଡା ଚିହ୍ନଟ କରିଥିବା ବେଳେ ବଡ଼ ଭଉଣୀ ଆଶାରାମ ବାପୁଙ୍କ ବିରୋଧରେ ଦୁଷ୍କର୍ମର ଅଭିଯୋଗ ଆଣିଥିଲେ । ମାମଲା ରୁଜୁ ହେବାର ଦୁଇ ମାସ ପରେ ହରିୟାଣା-ଦିଲ୍ଲୀର ସୀମାରୁ ପୁଲିସ ନାରାୟଣ ସାଇଙ୍କୁ ଗିରଫ କରିଥିଲା ।