ଏହି ଦେଶରେ ବିନା ହାତରେ ଜନ୍ମ ହେଉଛନ୍ତି ଶିଶୁ, ଦେଶବ୍ୟାପୀ ତଦନ୍ତ ପାଇଁ ନିର୍ଦ୍ଦେଶ ଦେଲେ ସରକାର
ନୂଆଦିଲ୍ଲୀ : ଫ୍ରାନ୍ସରେ ଏବେ ବିନା ହାତରେ ଅନେକ ଶିଶୁ ଜନ୍ମ ହେବା ଘଟଣା ଚିନ୍ତାର ବିଷୟ ପାଲଟିଛି । ଏହି ଘଟଣା ଘଟିବା ପରେ ଦେଶବ୍ୟାପୀ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଫ୍ରାନ୍ସ ସରକାର । ପ୍ରଥମେ ଦେଶର ୩ଟି ସ୍ଥାନରେ ଏଭଳି ସମସ୍ୟା ଦେଖାଯାଇଥିଲା ।ଏହା ପରେ ଡାକ୍ତରଖାନା ଏବଂ ସ୍ୱାସ୍ଥ୍ୟ ଅଧିକାରୀ ଚିନ୍ତାରେ ପଡ଼ି ଯାଇଥିଲେ । ପୂର୍ବରୁ ଏହାର କାରଣ ଜଣା ପଡ଼ୁ ନ ଥିବା ବେଳେ ଗର୍ଭାଶୟରେ ହିଁ ଭ୍ରୁଣ ଠିକ୍ ଭାବରେ ବିକଶିତ ହୋଇ ପାରୁ ନ ଥିବାରୁ ଏଭଳି ସମସ୍ୟା ଦେଖାଯାଉଥିବା ଜାଣି ପାରିଥିଲେ ଡ଼ାକ୍ତର । ଗର୍ଭାଶୟରେ ଭ୍ରୁଣର ବିକାଶ ଠିକ ଭାବରେ ନ ହେବାରୁ କିଛି ଶିଶୁ ହାତ, ଆଙ୍ଗୁଠି ବା ଗୁପ୍ତାଙ୍ଗ ବିନା ଜନ୍ମ ନେଉଛନ୍ତି ବୋଲି ଡ଼ାକ୍ତର ଜାଣି ପାରିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଦେଶରେ ଏଭଳି ସମସ୍ୟା କେତେ ଦୂର ରହିଛି ସେ ନେଇ ସ୍ୱାସ୍ଥ୍ୟମନ୍ତ୍ରୀ ଏଗନ୍ ବୁଜିୟାନ୍ ତଦନ୍ତର ନିର୍ଦ୍ଦେଶ ଦେଇ ସାରିଥିବା ବେଳେ ଦେଶବ୍ୟାପୀ ତଦନ୍ତର ଫଳାଫଳ ଜାନୁଆରୀ ମାସରେ ଜଣାଇ ଦିଆଯିବ । ପୂରା ଫ୍ରାନ୍ସ ଏ ବିଷୟରେ ଜାଣିବାକୁ ଚାହିଁବ ବୋଲି ଏକ ସାକ୍ଷାତକାରରେ ସେ କହିଥିବା ଦେଖାଯାଇଛି ।