ଟୁଇଟ୍ରରେ ନବ୍ଜୋତ୍ ସିଂହ ସିଦ୍ଧୁଙ୍କ ଫଲୋଅର୍ସ ସଂଖ୍ୟା ୫ ଲକ୍ଷ ଛୁଇଁଲା, ୩ ମାସ ମଧ୍ୟରେ ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହଙ୍କୁ ପଛରେ ପକାଇଲେ
ନୂଆଦିଲ୍ଲୀ : ପୂର୍ବତନ କ୍ରିକେଟର ନବ୍ଜୋତ ସିଂହ ସିଦ୍ଧୁ ଏଇ କିଛି ଦିନ ହେବ ଖୁବ୍ ଚର୍ଚ୍ଚାରେ ରହିଛନ୍ତି । ଭାରତ-ପାକ୍ ମଧ୍ୟରେ ଅଶାନ୍ତି ଲାଗି ରହିଥିବା ସମୟରେ ବିବାଦୀୟ ବୟାନ ଦେଇ ଚର୍ଚ୍ଚାରେ ରହିଥିଲେ ସିଦ୍ଧୁ । ପୁଲଓ୍ଵାମା ଆକ୍ରମଣକୁ ନେଇ ସେ ଦେଇଥିବା ବୟାନ ତାଙ୍କୁ ଭାରୀ ପଡ଼ିଥିଲା । କମେଡି ସୋ’ର ଜଜ୍ ପଦରୁ ତାଙ୍କୁ ହଟାଇ ଦିଆଯିବା ସହ ପାକିସ୍ତାନକୁ ପଠାଇ ଦିଆଯାଉ ବୋଲି ମଧ୍ୟ ଲୋକେ ଦାବି କରିଥିଲେ । ତେବେ ଏ ସବୁ ମଧ୍ୟରେ ସେ ଏବେ ଆଉ ଏକ କାରଣ ପାଇଁ ଚର୍ଚ୍ଚାରେ ରହିଛନ୍ତି । ଟୁଇଟ୍ରରେ ତାଙ୍କ ଫଲୋଅର୍ସ ସଂଖ୍ୟା ୫ଲକ୍ଷରେ ପହଞ୍ଚିଥିବା ବେଳେ ସେ ଏହି ରେସ୍ରେ ପଞ୍ଜାବର ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କୁ ମଧ୍ୟ ପଛରେ ପକାଇଥିବା ଜଣା ପଡ଼ିଛି । ଯାହାକୁ ନେଇ ଚର୍ଚ୍ଚା ଜୋର ଧରିଛି । ସିଦ୍ଧୁ ଏବେ ପଞ୍ଜାବର ଲୋକପ୍ରିୟ ନେତା ପାଲଟି ଯାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପଞ୍ଜାବର ମୁଖ୍ୟମନ୍ତ୍ରୀ ଅମରିନ୍ଦର ସିଂହ ମାର୍ଚ୍ଚ ୨୦୧୧ରେ ଟୁଇଟର ଆକାଉଣ୍ଟ ଖୋଲିଥିବା ବେଳେ ଏବେ ତାଙ୍କ ଫଲୋଅର୍ସ ସଂଖ୍ୟା ୪.୮୫ଲକ୍ଷ ଥିବା ଜଣା ପଡ଼ିଛି । ଅନ୍ୟ ପକ୍ଷରେ, ୩ମାସ ପୂର୍ବରୁ ନିଜ ଆକାଉଣ୍ଟକୁ ପୁଣି ଥରେ ଆକ୍ଟିଭ୍ କରିଥିବା ସିଦ୍ଧୁଙ୍କ ଫଲୋଅର୍ସ ସଂଖ୍ୟା ଶନିବାର ସୁଦ୍ଧା ୫.୧୮ଲକ୍ଷରେ ପହଞ୍ଚି ଥିବା ଜଣାପଡ଼ିଛି ।