ମଝି ଦରିଆରେ କମାଣ୍ଡେ ଅପରେସନ୍: ଜଳଦସ୍ୟୁଙ୍କ କବଳରୁ ବର୍ତ୍ତିଲା ମାଲବାହୀ ଜାହାଜ
ନୂଆଦିଲ୍ଲୀ: ମାଲବାହୀ ଜାହାଜ ‘ଏମ୍ ଭି ଜଗ ମର’ ଉପରେ ଆକ୍ରମଣ ଚାଲିଥିବା ବେଳେ ଭାରତୀୟ ଜଳସେନାର ଯୁଦ୍ଧ ଜାହାଜ ‘ତ୍ରିଶୁଳ’ ଘଟଣା ସ୍ଥଳରେ ପହଞ୍ଚି ଜାହାଜ ଓ ଜଳସେନାର ୨୬ଜଣ କର୍ମଚାରୀଙ୍କୁ ଶୁକ୍ରବାର ମୃତ୍ୟୁ ମୁଖରୁ ବଞ୍ଚାଇ ଥିବା ଜଣାପଡ଼ିଛି। ମାଲବାହୀ ଜାହାଜ ଉପରକୁ ହେଉଥିବା ଆକ୍ରମଣ ନେଇ ବିଶେଷ ସୂତ୍ରରୁ ସୂଚନା ମିଳିବା ପରେ ଭାରତୀୟ ଜଳସେନାର ଯୁଦ୍ଧ ଜାହାଜ ଓ ସେନାର ହେଲିକପ୍ଟର ଆଡେନର ଗଲ୍ଫ ଦେଶର ବିଶାଳ ଜଳ ଭୂଖଣ୍ଡରେ ପହଞ୍ଚି ଥିିଲା।
Sambad is now on WhatsApp
Join and get latest news updates delivered to you via WhatsApp
ମାଲବାହୀ ଜାହାଜର କର୍ମଚାରୀମାନଙ୍କ ଠାରୁ ସୂଚନା ମିଳିବା ପରେ ୪୦୦୦ଟନ୍ କ୍ଷମତା ଯୁକ୍ତ ‘ତ୍ରିଶୁଳ’ ସମୁଦ୍ର ଭିତରକୁ କାଳ ବିଳମ୍ବ ନ କରି ଘଟଣାସ୍ଥଳକୁ ପହଞ୍ଚି ଥିଲା। ସେତେବେଳକୁ ଭାରତୀୟ ସମୟ ଅପରାହ୍ନ ୧୨ଟା ୩୦ ହୋଇଥିଲା। ୮୨ହଜାର ଟନର ମାଲବାହୀ ଜାହାଜ ଉପରକୁ ଜଳଦସ୍ୟୁମାନେ ଆକ୍ରମଣ କରୁଥିଲେ। ପ୍ରାୟ ୧୨ଜଣରୁ ଅଧିକ ଜଳଦସ୍ୟୁଙ୍କ ଠାରୁ ଏକେ-୪୭, ୨୭ ରାଉଣ୍ଡ ଗୁଳି, ପତ୍ରିକା ଓ ଅନ୍ୟ ସାମଗ୍ରୀ ଜବତ ହୋଇଛି।
ସୂଚନାଯୋଗ୍ୟ ଆଫ୍ରିକାର ପୂର୍ବ ଉପକୂଳରେ ବାରମ୍ବାର ଜଳଦସ୍ୟୁ ଗତିବିଧି ଦେଖାଯାଉଛି। ଅନ୍ତର୍ଜାତୀୟ ସ୍ତରରେ ସୁରକ୍ଷାବ୍ୟବସ୍ଥାକୁ କଡ଼ାକଡ଼ି କରାଯାଇଥିଲେ ସୁଦ୍ଧା ଆରବ ସାଗରର ଗଭୀର ଜଳରେ ଜଳଦସ୍ୟୁମାନେ ବାରମ୍ବାର ମାଲବାହୀ ଜାହାଜ ଓ ତୈଳ ଟ୍ୟାଙ୍କରକୁ ଆକ୍ରମଣ କରୁଛନ୍ତି। ଅନ୍ୟ ରାଷ୍ଟ୍ର ଭଳି ଭାରତ ମଧ୍ୟ ଆଡେନର ଗଲ୍ଫରେ ଯୁଦ୍ଧ ଜାହାଜ ମୁତୟନ କରିଛି। ୨୦୦୮ ପରେ ମାଲବାହୀ ଜାହାଜ ଗୁଡ଼ିକ ବାରମ୍ବାର ଆକ୍ରମଣର ଶିକାର ହୋଇଛନ୍ତି।