ମୁମ୍ବାଇ: ନେହାଲ୍ ଚୁଡାସମା ମିସ୍ ୟୁନିଭର୍ସ ଇଣ୍ଡିଆ-୨୦୧୮ ଭାବେ ମନୋନୀତ ହୋଇଛନ୍ତି। ଲୋକପ୍ରିୟ ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ଏହି ବିଷୟ ଘୋଷଣା କରିଛନ୍ତି। ୟାମା ଫାସିନୋ -ମିସ୍ ଡିଭା ୨୦୧୮ରେ ଏହା ଘୋଷଣା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଠିକ୍ ସେହିପରି ଏଥିରେ ଅଦିତି ହୁୁଣ୍ଡିଆଙ୍କୁ ୟାମହା ଫାସିନୋ ମିସ୍ ଡିଭା ସୁପ୍ରନାସନାଲ୍ -୨୦୧୮ ଓ ରୋଶନି ସୋରାନ୍ଙ୍କୁ ୟାମହା ଫାସିନୋ ମିସ୍ ଡିଭା-୨୦୧୮ ଭାବେ ଘୋଷିତ କରାଯାଇଛି। ୟାମହା ମିସ୍ ଡିଭା-୨୦୧୮ ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରିବେ ବୋଲି ଜଣାଯାଇଛି।
ଏହି ପ୍ରତିଯୋଗିତାର ଶେଷ ପର୍ଯ୍ୟାୟରେ ୧୯ ଜଣ ସୁନ୍ଦରୀ ଅଂଶ ଗ୍ରହଣ କରିଥିଲେ। ଏଥିରେ ମିସ୍ ୟୁନିଭର୍ସ ୨୦୦୦ ତଥା ବିଖ୍ୟାତ ଅଭିନେତ୍ରୀ ଲାରା ଦତ୍ତ, ମିସ୍ ୟୁନିଭର୍ସ-୨୦୧୭ ଡେମି-ଲେହ ନେଲ-ପିଟରସ୍, ଦୁଇ ଡିଜାଇନର୍ ଫାଲଗୁନି ଓ ସେନ୍ ପିକକ୍,ଜଣାଶୁଣା ଅଭିନେତା ସୁଶାନ୍ତ ସିଂହ ରାଜପୁତ, ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟି ଓ ନେହା ଧୂପିଆ ପ୍ରମୁଖ ବିଚାରକ ଭାବେ ଯୋଗ ଦେଇଥିଲେ।
ଏହି ଗ୍ରାଣ୍ଡ୍ ଫିନାଲେରେ ସୁନ୍ଦରୀ ନାୟିକା ସୋନାକ୍ଷୀ ସିହ୍ନା ଓ ଟାଇଗର୍ ଶ୍ରଫ୍ ପରଫରମ୍ କରିଥିଲେ। ଏହି କାର୍ଯ୍ୟକ୍ରମର ସଞ୍ଚାଳନ କରିଥିଲେ ମଲ୍ଲାଇକା ଅରୋରା ଓ ସୋଫି ଚୌଧୁରୀ। ଏହି ପ୍ରତିଯୋଗିତାର ଅଡିସନ୍ ୨୦୧୮ ଜୁନ୍ ୧୬ ତାରିଖରୁ ଲକ୍ଷ୍ନୌ,ଦିଲ୍ଲୀ,କୋଲକତା,ଇନ୍ଦୋର,ହାଇଦ୍ରାବାଦ,ପୁନେ,ଅହମଦାବାଦ,ବେଙ୍ଗଲୁରୁ ଓ ଚଣ୍ଡିଗଡ଼ ଆଦିଠାରେ ହୋଇଥିଲା।