ଏନଆଇଏର ବଡ଼ କାର୍ଯ୍ୟାନୁଷ୍ଠାନ, ୧୬ ସନ୍ଦିଗ୍ଧ ଗିରଫ
ମଦୁରାଇ: ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏ ଆଜି ଦେଶ ବିରୋଧରେ ଷଡଯନ୍ତ୍ର କରୁଥିବା ୧୬ ଜଣ ସନ୍ଦିଗ୍ଧଙ୍କୁ ଗିରଫ କରିଛି | ଏନଆଇଏ ଅଂଶରୁଲା ମାମଲାରେ ସୟଦ ମୋହମ୍ମଦ ବୁଖାରୀର ଚେନ୍ନାଇ ସ୍ଥିତ ଘର ଓ କାର୍ଯ୍ୟାଳୟରେ ଚଢ଼ାଉ କରିଥିଲା | ଗିରଫ ହୋଇଥିବା ବ୍ୟକ୍ତିମାନେ ଆତଙ୍କୀ ସଂଗଠନ ସିମି ସହ ସମ୍ପର୍କରେ ଥିବା ଏନଆଇଏ ଜାଣିବାକୁ ପାଇଛି |
Sambad is now on WhatsApp
Join and get latest news updates delivered to you via WhatsApp
ଶନିବାର ସକାଳେ ଏନଆଇଏ ଟିମ ତାମିଲନାଡୁର ମଦୁରାଇ, ଥେନି, ନେଲାଈ ସମେତ ଅନେକ ଅଂଚଳରେ ଚଢ଼ାଉ କରି ୧୬ ଜଣଙ୍କୁ ଗିରଫ କରିଥିଲା | ଏନଆଇଏ ଏମାନଙ୍କ ନାମରେ ଅଂଶରୁଲା ନାମକ ଆତଙ୍କବାଦୀ ସଂଗଠନ ଗଠନ କରି ଦେଶ ବିରୋଧରେ ଷଡଯନ୍ତ୍ର କରୁଥିବାର କେସ ରୁଜୁ କରିଛି |
ଏନଆଇଏ ପକ୍ଷରୁ କୁହାଯାଇଛି ଯେ ଭାରତରେ ଆତଙ୍କବାଦୀ ଆକ୍ରମଣ ପାଇଁ ଏମାନେ ଷଡଯନ୍ତ୍ର କରୁଥିଲେ | ଏହି ସନ୍ଦିଗ୍ଧମାନେ କିଭଳି ଅଧିକରୁ ଅଧିକ ସଂଖ୍ୟାରେ ଲୋକଙ୍କୁ ସଂଗଠନ ସହ ଯୋଡିହେବ ତାହାର ଯୋଜନା ପ୍ରସ୍ତୁତ କରୁଥିଲେ | ତେବେ ସୂଚନା ପାଇ ଏନଆଇଏ ପକ୍ଷରୁ ଆଜି ଅତର୍କିତ ଚଢ଼ାଉ କରି ଏହି ଯୋଜନାକୁ ପଣ୍ଡ କରିଦେଇଛି |