ଭାରତର ସୁରକ୍ଷା ପ୍ରତି ବିପଦ ହେଲାଭଳି କୌଣସି କାମ କରିବୁନି : ଉତ୍ତରକୋରିଆ

1 1,167

ନୂଆଦିଲ୍ଲୀ : ଭାରତୀୟ ବିଦେଶ ରାଷ୍ଟ୍ରମନ୍ତ୍ରୀ ଭି.କେ.ସିଂ ଏବେ ଉତ୍ତର-କୋରିଆ ଗ୍ରସ୍ତରେ ଅଛନ୍ତି । ଏହି ଦେଶ ବିଶ୍ୱରେ ଏକ ଦୁଷ୍ଟ ଦେଶ ଭାବେ ଜଣାଶୁଣା ଥିବାବେଳେ ଭାରତ ସହିତ କିନ୍ତୁ ଏହାର ସମ୍ପର୍କ ଭଲ ରହିଆସିଛି । ଏହି ସଂପର୍କକୁ ଆହୁରି ସୁଦୃଢ କରିବାକୁ ଭାରତ ଓ ଉତ୍ତରକୋରିଆ ରାଜି ହୋଇଛନ୍ତି । ଶ୍ରୀ ସିଂ ଉତ୍ତରକୋରିଆ ସୁପ୍ରିମ ଆସେମ୍ବଲିର ଉପସଭାପତି କିମ ୟଙ୍ଗ ଡିଙ୍କୁ ଭେଟିଛନ୍ତି । ଏହି ଅବସରରେ ଉତ୍ତରକୋରିଆ ପକ୍ଷରୁ କୁହାଯାଇଛି ଯେ ଭାରତର ସୁରକ୍ଷା ପ୍ରତି ବିପଦ ହେଲାଭଳି କୌଣସି କାମ ଆଉ କରିବୁ ନାହିଁ ।

ଏଠାରେ ସୂଚନାଯୋଗ୍ୟ ଯେ ଉତ୍ତର-କୋରିଆ ପାକିସ୍ତାନଠାରୁ ପରମାଣୁ ଟେକନଲୋଜୀ ପାଇଥିବାବେଳେ ପାକିସ୍ତାନକୁ କ୍ଷେପଣାସ୍ତ୍ର ଟେକନଲୋଜୀ ଦେଇଛି । ଏହାକୁ ନେଇ ଭାରତ ଗତ କିଛି ବର୍ଷ ହେଲା ଉତ୍ତର କୋରିଆ ଉପରେ ଅସନ୍ତୁଷ୍ଟ ଥିଲା । କିନ୍ତୁ ଏବେ ଉଭୟ ଦେଶ ସମ୍ପର୍କ ସୁଧାରୁଛନ୍ତି ।

ପ୍ରାୟ ୪୫ ବର୍ଷ ପୂର୍ବେ ଭାରତ ଉତ୍ତରକୋରିଆ ସହ କୂଟନୈତିକ ସଂପର୍କ ସ୍ଥାପନ କରିଥିଲା । ସେବେଠାରୁ ଭାରତ ନିୟମିତଭାବେ ଉତ୍ତରକୋରିଆକୁ ସହାୟତା ପ୍ରଦାନ କରିଆସୁଛି । କିନ୍ତୁ ପରମାଣୁ କାର୍ଯ୍ୟକ୍ରମ ଲାଗି ଜାତିସଂଘ ଉତ୍ତରକୋରିଆ ଉପରେ କଟକଣା ଲଗାଇବା ପରେ ଭାରତ ନିଜର ସହାୟତା କମ କରିଦେଇଥିଲା । ତଥାପି ଭାରତ ସହାୟତାକୁ ସଂପୂର୍ଣ୍ଣ ବନ୍ଦ କରିନଥିଲା । ଏପରିକି ଆମରିକାର ବାରମ୍ବାର ଚାପ ସତ୍ତ୍ୱେ ଉତ୍ତରକୋରିଆରେ ଥିବା ନିଜର ଦୂତାବାସକୁ ବନ୍ଦ କରିନାହିଁ ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. jk says

    Respected Shri.Niranjan Patnaik Saab,Respected Shri.Soumya Ranjan Patnaik Saab In Myanmar the Rohingya Muslim women who were been raped by Myanmar security forces delivered children 48000 Children in South Bangladesh and the Pakistan government is adopting 10000 women.