ନୂଆଦିଲ୍ଲୀ : ଏଣିକି ଜେଲରେ ଥିବା କଏଦୀମାନଙ୍କର ମଧ୍ୟ ଆଧାର କାର୍ଡ ବାହାର କରାଯିବ । କେବଳ ଏତିକି ନୁହେଁ କଏଦୀଙ୍କୁ ଭେଟିବାକୁ ଆସୁଥିବା ପରିଜନମାନଙ୍କୁ ନିଜ ସହିତ ଆଧାର କାର୍ଡ ନେଇ ଆସିବାକୁ ହେବ । ନ ହେଲେ ସେମାନେ କଏଦୀକୁ ଭେଟି ପାରିବେ ନାହିଁ । ଏ ନେଇ କେନ୍ଦ୍ର ସରକାର ରାଜ୍ୟମାନଙ୍କୁ ଗାଇଡଲାଇନ ଜାରି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଲୋକସଭାରେ ଏକ ପ୍ରଶ୍ନର ଉତ୍ତର ଦେଇ କେନ୍ଦ୍ର ସ୍ୱରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଅହିର କହିଛନ୍ତି ଯେ ଭାରତୀୟ ସମ୍ବିଧାନର ସପ୍ତମ ପରିଚ୍ଛେଦର ଦ୍ୱିତୀୟ ତାଲିକାର ଏଣ୍ଟ୍ରି-୪ ଅନୁଯାୟୀ ‘ଜେଲ୍’ ରାଜ୍ୟ ଅଧିକାରଭୁକ୍ତ ବିଷୟଭାବେ ଗଣା ହୋଇଥାଏ । ଜେଲର ପ୍ରଶାସନଏବଂ ପରିଚାଳନା ଦାୟିତ୍ୱ ରାଜ୍ୟ ସରକାରମାନଙ୍କର । ତେବେ ଜେଲଗୁଡ଼ିକୁ ଆସୁଥିବା ପରିଦର୍ଶକମାନଙ୍କର ପରିଚୟ ପତ୍ରଭାବେ ଆଧାରକୁ ଗ୍ରହଣ କରିବାକୁ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସରକାରମାନଙ୍କୁ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ପରାମର୍ଶ ଦିଆଯାଇଛି । ଜେଲର ସମସ୍ତ ଅନ୍ତେବାସୀଙ୍କ ନାମ ସହ ଆଧାର ସଂଯୋଗ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଯଦ୍ୱାରାକି, ଜେଲ୍ ପ୍ରଶାସନ ଦ୍ୱାରା ନିୟନ୍ତ୍ରିତ ହେଉଥିବା କଏଦୀମାନଙ୍କ କାର୍ଯ୍ୟ, ଯଥା: କୋର୍ଟରେ ସେମାନଙ୍କୁ ହାଜର କରାଇବା, ଜେଲକୁ ପ୍ରତ୍ୟାବର୍ତ୍ତନ, ପରିବହନ, ସ୍ୱାସ୍ଥ୍ୟ ସୁବିଧା, ସାକ୍ଷାତ, ମାଗଣା ଆଇନଗତ ସହାୟତା, ପାରୋଲ, ଅସ୍ଥାୟୀ ମୁକ୍ତ ପଦ୍ଧତି, ଶିକ୍ଷା/କର୍ମଭିତ୍ତିକ ପ୍ରଶିକ୍ଷଣ, ଜେଲରୁ ଖଲାସ ଇତ୍ୟାଦି ଆଧାର ଦ୍ୱାରା ସୁନିୟନ୍ତ୍ରିତ ହୋଇପାରିବ