ଗରିବ ଲୋକଙ୍କୁ ୭୨ ହଜାର ଟଙ୍କା ଦେବାର ଘୋଷଣା ମାମଲାରେ କଂଗ୍ରେସ ଦଳ ଏବଂ ନିର୍ବାଚନ କମିସନଙ୍କୁ ନୋଟିସ୍ ଜାରି କରିଲେ ଆହ୍ଲାବାଦ ଉଚ୍ଚ ନ୍ୟାୟାଳୟ
ଆହ୍ଲାବାଦ : କଂଗ୍ରେସ ଦଳର ନିର୍ବାଚନୀ ଇସ୍ତାହାରରେ ସରକାର ଆସିଲେ ୭୨ ହଜାର ଟଙ୍କା ଗରିବ ଲୋକଙ୍କୁ ଦେବାର ଘୋଷଣା ପ୍ରସଙ୍ଗ ଏବେ ନ୍ୟାୟାଳୟରେ ପହଞ୍ଚିଛି। ସରକାର ଆସିଲେ ୭୨ ହଜାର ଟଙ୍କା ଗରିବ ଲୋକଙ୍କୁ ଦେବାର ଘୋଷଣାକୁ ନେଇ ଆଇନଜୀବୀ ମୋହିତ କୁମାର ଓ ଅନିଲ ପାଣ୍ଡେ ଆହ୍ଲାବାଦ ଉଚ୍ଚ ନ୍ୟାୟାଳୟରେ ଆବେଦନ କରିଥିଲେ । ଏ ନେଇ ଆହ୍ଲାବାଦ ଉଚ୍ଚ ନ୍ୟାୟାଳୟ କଂଗ୍ରେସ ଦଳ ଏବଂ ନିର୍ବାଚନ କମିସନଙ୍କୁ ନୋଟିସ୍ ଜାରି କରିଛନ୍ତି । ଏହା ନିର୍ବାଚନ ଆଚରଣ ବିଧିର ଖୋଲାଖୋଲି ଉଲ୍ଲଂଘନ ବୋଲି ବି କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ସରକାର ଆସିଲେ ୭୨ ହଜାର ଟଙ୍କା ଗରିବ ଲୋକଙ୍କୁ ଦେବାର ଘୋଷଣା କ’ଣ ଲାଞ୍ଚ ସହିତ ସମାନ ନୁହେଁ କି ବୋଲି ନ୍ୟାୟାଳୟ ପ୍ରଶ୍ନ କରିଛନ୍ତି । କଂଗ୍ରେସ ଇସ୍ତାହାର ବିପକ୍ଷରେ ହୋଇଥିବା ଆବେଦନର ଆହ୍ଲାବାଦ ଉଚ୍ଚ ନ୍ୟାୟାଳୟର ବିଚାରପତି ରାଜେନ୍ଦ୍ର କୁମାର ଓ ସୁଧୀର ଅଗ୍ରୱାଲଙ୍କ ଖଣ୍ଡପୀଠ ଶୁଣାଣି କରିଛନ୍ତି । ନ୍ୟାୟମୂର୍ତ୍ତି କଂଗ୍ରେସର ଘୋଷଣା ପତ୍ର ଉପରେ ପ୍ରଶ୍ନ ଉଠାଇଛନ୍ତି । ଲୋକଙ୍କୁ ଟଙ୍କା ଦେବାକୁ କହିବା ଲାଞ୍ଚ ସହିତ ସମାନ ଅଟେ ।ଆସନ୍ତା ଦୁଇ ସପ୍ତାହ ମଧ୍ୟରେ ଜବାବ ରଖିବାକୁ ଉଭୟଙ୍କୁ ନିର୍ଦ୍ଦେଶ ଦେଇଛନ୍ତି ଉଚ୍ଚ ନ୍ୟାୟାଳୟ । ଏହି ମାମଲାର ପରବର୍ତ୍ତୀ ଶୁଣାଣି ମେ ୧୩ ତାରିଖରେ ହେବ ବୋଲି ଜଣାଯାଇଛି ।