ନୂଆଦିଲ୍ଲୀ: ଆର୍ଥିକ ବର୍ଷ ୨୦୧୯-୨୦ ପାଇଁ ବଜେଟ ଉପସ୍ଥାପନ କରି ଡିଜିଟାଲ ଭିଲେଜ୍ ନିର୍ମାଣ ନେଇ ଅର୍ଥମନ୍ତ୍ରୀ ପୀୟୁଷ ଗୋଏଲ ଘୋଷଣା କରିଛନ୍ତି । ଆଗାମୀ ୫ ବର୍ଷ ମଧ୍ୟରେ ୧ ଲକ୍ଷ ଡିଜିଟାଲ ଭିଲେଜ ପ୍ରସ୍ତୁତ କରାଯିବ ବୋଲି କହିଛନ୍ତି। ପାଖାପାଖି ୫ ବର୍ଷ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିଜିଟାଲ ଇଣ୍ଡିଆର ଶୁଭାରମ୍ଭ କରିଥିଲେ । ଲଗାତର ଭାବରେ ଏହା ଅନୁସାରେ ଅନେକ ନୂଆ ଯୋଜନା ସୁରୁ କରାଯାଇଛି । ଗ୍ରାମାଂଚଳରେ ଫାଇବର କେବୁଲ୍ ବିଛା ଯାଇଛି । ଗାଁଗୁଡିକରେ ୱାଇଫାଇ ସଂଯୋଗ ପାଇଁ କାମ କରାଯାଉଛି । ୯୦ ପ୍ରତିଶତରୁ ଅଧିକ ଭାରତୀୟ ନାଗରିକଙ୍କର ଆଧାର କାର୍ଡ ପ୍ରସ୍ତୁତ କରାଯାଇଛି । ସେହିପରି ସରକାରଙ୍କ ତରଫରୁ ଗ୍ରାମୀଣ ଅଂଚଳମାନଙ୍କରେ ବିଭିନ୍ନ ସେଣ୍ଟର ମଧ୍ୟ ନିର୍ମାଣ କରାଯାଇଛି । ଏଥିପାଇଁ ୪୦ ହଜାର ଗ୍ରାମ ପଂଚାୟତରେ ୱାଇଫାଇ ହଟସ୍ପର୍ଟ ଲଗାଯାଇଛି ବୋଲି ପୀୟୁଷ ଗୋଏଲ ଦାବି ବଜେଟ୍ ଉପସ୍ଥାପନ ବେଳେ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବଜେଟ୍ ୨୦୧୯ରେ ଡିଜିଟାଲ ଇଣ୍ଡିଆକୁ ନେଇ ଏହି ସବୁ ତଥ୍ୟ ରଖାଯାଇଛି…
• ମୋବାଇଲ ଡାଟା ବ୍ୟବହାର କରିବାରେ ଭାରତ ୧ ନମ୍ବର ଦେଶ
• ମାସିକ ଡାଟା ବ୍ୟବହାର ୫୦ ଗୁଣା ବୃଦ୍ଧି ପାଇଛି
• ବିଶ୍ୱରେ ସବୁଠାରୁ ଶସ୍ତା ଡାଟା ଏବଂ କଲିଂ ଭାରତରେ ଉପଲବ୍ଧ
• ମୋବାଇଲ କଂପାନୀଗୁଡିକ ଭାରତରେ ନିଯୁକ୍ତି ଦେଉଛନ୍ତି
• କମନ ସର୍ଭିସ ସେଂଟର ଗ୍ରାମୀଣ ଅଂଚଳମାନଙ୍କରେ ବୃଦ୍ଧି ପାଉଛି ଏବଂ ଡିଜିଟାଲ ଭିଲେଜ ପ୍ରସ୍ତୁତ ହେଉଛି ।
• ଆଗାମୀ ୫ ବର୍ଷ ମଧ୍ୟରେ ୧ ଲକ୍ଷ ଡିଜିଟାଲ ଭିଲେଜ ପ୍ରସ୍ତୁତ କରାଯିବ ।