ବିପକ୍ଷ ଦଳ ଭାରତୀୟ ବାୟୁସେନାର ବୀରତାକୁ ପ୍ରଶଂସା କରିବା ପରିବର୍ତ୍ତେ ପାଇଲଟ୍ ଅଭିନନ୍ଦନ କେବେ ଫେରିବେ ସେ ନେଇ ରାଜନୀତି ଆରମ୍ଭ କରି ଦେଇଥିଲେ : ମୋଦୀ
ନୂଆଦିଲ୍ଲୀ : ଶୁକ୍ରବାର ପ୍ରଧାନମନ୍ତ୍ରୀ ମୋଦି ବିପକ୍ଷ ଦଳକୁ ନେଇ ଚର୍ଚ୍ଚା କରିଥିବା ଦେଖା ଯାଇଛି । ଉଇଙ୍ଗ୍ କମାଣ୍ଡର ଅଭିନନ୍ଦନ ପାକିସ୍ତାନର କବ୍ଜାକୁ ଯିବା ସମୟରେ ବିପକ୍ଷ ଦଳ କେଉଁ ବିଷୟକୁ ଅଧିକ ଗୁରୁତ୍ୱ ଦେବା କଥା ଏବଂ ସେମାନେ କେଉଁ ବିଷୟ ଉପରେ ଅଧିକ ଗୁରୁତ୍ୱ ଦେଇଥିଲେ ସେ ବିଷୟରେ କହିଛନ୍ତି ମୋଦୀ । ଏହା ସହ ପାଇଲଟ୍ ଅଭିନନ୍ଦନଙ୍କୁ ପାକସ୍ତାନରୁ ମୁକୁଳାଇବା ଏବଂ ବାଲାକୋଟ୍ରେ ଭାରତୀୟ ବାୟୁସେନା ଏୟାରଷ୍ଟ୍ରାଇକ୍ କରିବା ପ୍ରସଙ୍ଗକୁ ନେଇ ବିପକ୍ଷ ଦଳ ଦେଶର ପ୍ରଧାନମନ୍ତ୍ରୀଙ୍କ ଉପରେ ପ୍ରଶ୍ନ ଉଠାଇ ଏହାକୁ ରାଜନୀତି ସହ ଯୋଡ଼ି ଦେଲେ ବୋଲି କହିଛନ୍ତି ମୋଦୀ ।
Sambad is now on WhatsApp
Join and get latest news updates delivered to you via WhatsApp
ଏକ ନିଉଜ୍ ଚ୍ୟାନେଲକୁ ସକ୍ଷାତକାର ଦେଇ, ଯେତେବେଳେ ପାଇଲଟ୍ ଅଭିନନ୍ଦନଙ୍କ ଘଟଣା ଘଟିଥିଲା, ସେତେବେଳେ ପ୍ରତି ଭାରତୀୟ ରାଜନୈତିକ ଦଳ ଗୁଡ଼ିକୁ ଭାରତୀୟ ବାୟୁସେନା ଉପରେ ଗର୍ବ ଅନୁଭବ କରିବାର ଥିଲା । ପାକିସ୍ତାନର ଏଫ୍-୧୬ ଲଢ଼ୁଆ ବିମାନଙ୍କୁ ହରାଇ ଥିବାରୁ ଦଳଗୁଡ଼ିକୁ ବାୟୁସେନାକୁ ପ୍ରଶଂସା କରିବାର ଥିଲା । କିନ୍ତୁ ସୋମାନେ ସେଭଳି କିଛି ନ କରି କ୍ୟାଣ୍ଡେଲ ଶୋଭାଯାତ୍ରା କରିବାର ଯୋଜନା କରୁଥିଲେ । ଯଦି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ପାଇଲଟ୍ ଅଭିନନ୍ଦନଙ୍କୁ ଛାଡ଼ିବାର ଘୋଷଣା କରି ନଥାନ୍ତେ । ତେବେ ସବୁ ଦଳ କ୍ୟାଣ୍ଡେଲ ଶୋଭାଯାତ୍ରା କରିବା ଆରମ୍ଭ କରି ଦେଇଥାନ୍ତେ । ଯଦି ଭାରତର ଜଣେ ପାଇଲଟ୍ ଅନ୍ୟ ଦେଶର କବ୍ଜାକୁ ଚାଲି ଯାଇଛନ୍ତି, ତେବେ ଭାରତ ସରକାର ନିଜର କୂଟନୀତି ଦ୍ୱାରା ତାଙ୍କୁ ଦେଶକୁ ଫେରାଇ ଆଣିବାର କ୍ଷମତା ରହିଛି । । ସେ ନେଇ ଏତେ ରାଜନୀତି କରିବାର କୌଣସି ଆବଶ୍ୟକତା ନଥିଲା ବୋଲି କହିଛନ୍ତି ମୋଦୀ ।