୧୫ ଦିନରେ ଅମରନାଥ ଯାତ୍ରାରେ ଅଂଶ ଗ୍ରହଣ କଲେ ୧ ଲକ୍ଷ ୯୩ ହଜାର ୫୪୫ ଜଣ ଶ୍ରଦ୍ଧାଳୁ
ନୂଆଦିଲ୍ଲୀ: ଇତି ମଧ୍ୟରେ ଅମରନାଥ ଯାତ୍ରାକୁ ୧୫ ଦିନ ହୋଇଛି । ଏହି ସମୟ ଭିତରେ ଏଥିରେ ପ୍ରାୟ ୧ ଲକ୍ଷ ୯୩ ହଜାର ୫୪୫ ଜଣ ଶ୍ରଦ୍ଧାଳୁ ଅଂଶ ଗ୍ରହଣ କରିସାରିଥିବା କୁହାଯାଉଛି । ଶ୍ରୀ ଅମରନାଥଜୀ ସାଇନ ବୋର୍ଡ ପକ୍ଷରୁ ଚଳିତ ବର୍ଷ ଜୁଲାଇ ୧ରୁ ଅମରନାଥ ଯାତ୍ରା ଆରମ୍ଭ ହୋଇଥିଲା । ଯାତ୍ରାର ଷୋଡ଼ଶ ଦିବସରେ ଆଜି ୩୯୬୭ ଜଣ ଯାତ୍ରୀ ପାହାଡକୁ ଚଢ଼ିଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ଦକ୍ଷିଣ କଶ୍ମୀରର ହିମାଳୟ ପାହାଡରେ ୩୮୮୦ ମିଟର ଉଚ୍ଚସ୍ଥାନରେ ବରଫ ଶିବ ଲିଙ୍ଗକୁ ଶ୍ରଦ୍ଧାଳୁମାନେ ୪୫ ଦିନ ଯାଏଁ ଦର୍ଶନ କରିବେ । କେନ୍ଦ୍ର ସରକାର ଅମରନାଥ ଯାତ୍ରା ପାଇଁ ବହୁ ସ୍ତରୀୟ ସୁରକ୍ଷା ଲାଗି ସିଆରପିଏଫର ୪୦,୦୦୦ ଅତିରିକ୍ତ ସୁରକ୍ଷାକର୍ମୀ ମୁତୟନ କରିଛି । ଜମ୍ମୁଠାରୁ ଗୁମ୍ଫା ଯାଏଁ ପାଖାପାଖି ୬୦ ହଜାର ସୁରକ୍ଷାବଳ ମୁତୟନ ରହିଛନ୍ତି ।
ଏହି ଯାତ୍ରା ଅନନ୍ତନାଗ ଜିଲ୍ଲାର ୩୬ କିଲୋମିଟର ଦୀର୍ଘ ପାରଂପରିକ ପହଲଗାଓଁ ମାର୍ଗ ଓ ଗାନ୍ଦେରବଲ ଜିଲ୍ଲାର ୧୪ କିଲୋମିଟର ଦୀର୍ଘ ବାଲଟାଲ ମାର୍ଗରେ ହେଉଛି ।