ଭାରତରେ ଅସ୍ଥିରତା ସୃଷ୍ଟି ପାଇଁ ପାକିସ୍ତାନ ଓ ଚୀନ ଭାରତକୁ ବାଂଲାଦେଶୀ ଅନୁପ୍ରବେଶ କରାଉଛନ୍ତି : ସେନାଧ୍ୟକ୍ଷ
ନୂଆଦିଲ୍ଲୀ : ଭାରତରେ ଅସ୍ଥିରତା ସୃଷ୍ଟି କରିବା ପାଇଁ ଚୀନ ଓ ପାକିସ୍ତାନ ଅତ୍ୟନ୍ତ ଯୋଜନାବଦ୍ଧଭାବେ ଉତ୍ତରପୂର୍ବାଞ୍ଚଳ ରାଜ୍ୟଗୁଡ଼ିକରେ ବାଂଲାଦେଶୀମାନଙ୍କୁ ଅନୁପ୍ରବେଶ କରାଉଛନ୍ତି ବୋଲି ସେନାଧ୍ୟକ୍ଷ ଜେନାରାଲ ବିପିନ ରାଓ୍ଵତ କହିଛନ୍ତି । ଆସାମ ଓ ଅନ୍ୟ କେତେକ ଉତ୍ତରପୂର୍ବାଞ୍ଚଳ ରାଜ୍ୟରେ ଏହି କାରଣରୁ ଅତି ଦ୍ରୁତ ଗତିରେ ବାଂଲାଦେଶୀ ମୁସଲିମଙ୍କ ସଂଖ୍ୟା ବଢିଚାଲିଛି ବୋଲି ସେ କହିଛନ୍ତି । ବଦରୁଦ୍ଦିନ ଆଜମଲଙ୍କ ଅଲ ଇଣ୍ଡିଆ ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟ (ଏଆଇୟୁଡିଏଫ)ର ଉଦାହରଣ ଦେଇ ସେ କହିଛନ୍ତି ଯେ ଏହି ଦଳ ଦେଶର ଅନ୍ୟ ରାଜନୈତିକ ଦଳଙ୍କ ତୁଳନାରେ ସର୍ବାଧିକ ଦ୍ରୁତ ଗତିରେ ଅଭିବୃଦ୍ଧି ହାସଲ କରୁଛି । ୨୦୦୫ରେ ପ୍ରତିଷ୍ଠା ହୋଇଥିବା ଏହି ଦଳ ମୁସଲିମାନଙ୍କ ଅଧିକାର ରକ୍ଷା ପାଇଁ ଲଢୁଥିବା ଦାବି କରୁଛି । ଏବେ ଏହି ଦଳର ୩ ଜଣ ଏମପି ଓ ୭ ଜଣ ବିଧାୟକ ଅଛନ୍ତି । ଆସାମର କେତେକ ଜିଲ୍ଲାରେ ମୁସଲିମମାନେ ସଂଖ୍ୟାଗରିଷ୍ଠ ହୋଇସାରିଲେଣି, ଯାହାକି ଚିନ୍ତାର ବିଷୟ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ସମସ୍ୟାର ସମାଧାନ ପାଇଁ ସରକାର ବେଆଇନ ଅନୁପ୍ରବେଶକାରୀମାନଙ୍କୁ ଚିହ୍ନଟ କରି ସେମାନଙ୍କୁ ବାହାରକୁ ପଠାଇବାର ଉପଯୁକ୍ତ ପଦକ୍ଷେପ ନେବା ଆବଶ୍ୟକ । ସରକାର ମଧ୍ୟ ଜାତୀୟ ଜନସଂଖ୍ୟା ରେଜିଷ୍ଟ୍ରି ପରି ପଦକ୍ଷେପ ଗ୍ରହଣ କରିଛନ୍ତି ବୋଲି ସେ କହିଛନ୍ତି ।