ପ୍ରିୟଙ୍କା ଚୋପ୍ରାଙ୍କୁ ପାକିସ୍ତାନର ଟାର୍ଗେଟ, ଗୁଡଓ୍ଵିଲ ଆମ୍ବାସାଡର ପଦରୁ ବାହାର କରିବାକୁ ଜାତିସଂଘକୁ ଚିଠି ଲେଖିଲା
ନ୍ୟୁୟର୍କ : କଶ୍ମୀରରୁ ଧାରା ୩୭୦ ପ୍ରତ୍ୟାହାର ଲାଗି ଭାରତ ସରକାର ନେଇଥିବା ନିଷ୍ପତ୍ତିକୁ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ଟାର୍ଗେଟ କରିଛି ପାକିସ୍ତାନ । ତାଙ୍କୁ ଜାତିସଂଘର ଗୁଡଓ୍ଵିଲ ଆମ୍ବାସାଡର (ସଦିଚ୍ଛା ଦୂତ) ନ କରିବାକୁ ପାକିସ୍ତାନ ଜାତିସଂଘ ନିକଟରେ ଦାବି କରିଛି ।
Sambad is now on WhatsApp
Join and get latest news updates delivered to you via WhatsApp
ଜାତିସଂଘକୁ ଏକ ପତ୍ର ଲେଖି ପାକିସ୍ତାନର ମାନବ ଅଧିକାର ମନ୍ତ୍ରୀ ସିରିନ ମଜାରୀ କହିଛନ୍ତି ଯେ ପ୍ରିୟଙ୍କା କଶ୍ମୀର ପ୍ରସଙ୍ଗରେ ଭାରତ ସରକାରଙ୍କୁ ସମର୍ଥନ କରୁଥିବାରୁ ତାଙ୍କୁ ଗୁଡଓ୍ଵିଲ ଆମ୍ବାସାଡର ଦାୟିତ୍ୱରୁ ତୁରନ୍ତ ବିତାଡିତ କରାଯାଉ । ଭାରତରେ ଶାସନ କରୁଥିବା ବିଜେପିର ନୀତି ଜର୍ମାନୀର ନାଜି ଦଳର ଜାତିଆଣଭାବ, ଗଣହତ୍ୟା ନୀତି ସହ ସମାନ । ଏପରି ଏକ ସରକାରକୁ ସମର୍ଥନ କରୁଥିବାରୁ ଓ ପାକିସ୍ତାନ ବିରୋଧରେ ପରମାଣୁ ଯୁଦ୍ଧକୁ ସମର୍ଥନ କରୁଥିବାରୁ ସେ ଜାତିସଂଘର ସଦିଚ୍ଛା ଦୂତ ହେବାକୁ ଯୋଗ୍ୟ ନୁହନ୍ତି । କାରଣ ଜାତିସଂଘର ଗୁଡଓ୍ଵିଲ ଆମ୍ବାସାଡର ହିସାବରେ ସେ ବିଶ୍ୱରେ ଶାନ୍ତି ଓ ସଦିଚ୍ଛାକୁ ପ୍ରେତ୍ସାହିତ କରିବା ଆବଶ୍ୟକ ।