ପାକିସ୍ତାନକୁ ଭାରତ ଭୟ: ସୀମାରେ ହାଇ ଆଲର୍ଟ ଜାରି, ଧାଡ଼ି ହୋଇ ରହିଛି ଲଢୁଆ ବିମାନ ଏଫ୍-୧୬
ଆମେରିକାନ ସାଟେଲାଇଟ୍ ଇମେଜରୁ ଜଣାପଡ଼ିଲା ସ୍ଥିତି
ନୂଆଦିଲ୍ଳୀ: ପାକିସ୍ତାନର ବାଲାକୋଟଠାରେ ଭାରତୀୟ ବାୟୁସେନା କରିଥିବା ଏୟାର୍ ଷ୍ଟ୍ରାଇକ୍କୁ ଇତି ମଧ୍ୟରେ ୨ ସପ୍ତାହ ବିତିଗଲାଣି। ଏତେ ଦିନ ପରେ ବି ପାକିସ୍ତାନର ଭୟ କମି ନାହିଁ। ଆମେରିକାନ ସାଟେଲାଇଟ୍ ଇମେଜରୁ ଜାଣିବାକୁ ମିଳିଛି ଯେ ପାକିସ୍ତାନ ତା’ର ଜମ୍ମୁ-କଶ୍ମୀର ସୀମାନ୍ତ ଅନ୍ତର୍ଗତ ନିୟନ୍ତ୍ରଣ ରେଖାଠାରେ ହାଇ ଆର୍ଲଟ ଜାରି କରିଛି। ପାକିସ୍ତାନୀ ସେନାଓ ବାୟୁ ସେନା ସୀମାରେ ହାଇ ଆର୍ଲଟ ଥିବା ବେଳେ ଯୁଦ୍ଧ ବିମାନ ଏଫ୍-୧୬କୁ ମୁତୟନ କରାଯାଇଛି। ନିୟନ୍ତ୍ରଣ ରେଖାଠାରେ ସ୍ୱତନ୍ତ୍ର ପ୍ରଶିକ୍ଷିତ ସେନାକୁ ନିଯୁକ୍ତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରୁ ଜାଣିବାକୁ ମିଳିଛି ଯେ ଉଭୟ ଆମେରିକା ଓ ଜୋର୍ଡାନରୁ ପାକିସ୍ତାନ ନେଇଥିବା ଏଫ୍-୧୬ ବିମାନକୁ ଭାରତ-ପାକ୍ ସୀମାରେ ମୁତୟନ କରିଛି। ପାକ୍ ସୀମାନେ ରାଡର ଓ ଏୟାର୍ ଡିଫେନ୍ସ ସିଷ୍ଟମ ବି ନିୟୋଜିତ କରାଯାଇଥିବା ସୂଚନା ରହିଛି। ଜାଣିବାକୁ ମିଳିଛି ଯେ ପାକିସ୍ତାନ ଫେବ୍ରୁଆରି ୧୪ ତାରିଖରେ ପୁଲଓ୍ଵାମା ଆକ୍ରମଣ ଘଟାଇବା ପରେ ପରେ ହିଁ ଏହି ସତର୍କତା ଅବଲମ୍ବନ କରିଛି। ପୁଲଓ୍ଵାମା ଆକ୍ରମଣର ଭାରତ ନିଶ୍ଚୟ ପ୍ରତିଶୋଧ ନେବ ବୋଲି ପାକ୍ର ଧାରଣା ଥିଲ। ନିଜର ସୁରକ୍ଷା ଦୃଷ୍ଟିରୁ ପାକ୍ ଏପରି ସତର୍କତା ଅବଲମ୍ବନ କରିଛି ବୋଲି ଜଣେ ଅଧିକାରୀ କହିଛନ୍ତି।
ବିଶେଷ ସୂତ୍ରରୁ ଜାଣିବାକୁ ମିଳିଛି ଯେ ଫେବ୍ରୁଆରି ୨୬ରେ ଭାରତ ପକ୍ଷରୁ ହୋଇଥିବା ଏୟାର୍ ଷ୍ଟ୍ରାଇକ୍ ପରେ ପାକ୍ ରାଗରେ ସୀମାନ୍ତରେ ଗୋଳା ମାଡ଼ କରିଥିଲା। ଆହୁରି ବି ଜାଣିବାକୁ ମିଳିଛି ଯେ ପାକିସ୍ତାନୀ ସେନା ମୁଖ୍ୟତଃ ସୁନ୍ଦେରବାନୀ, ନୌସେରା, ପୁଞ୍ଚ୍, ଭିମବେର୍ ଏବଂ କ୍ରିଷ୍ଣାଘାଟୀ ଆଦି ସ୍ଥାନକୁ ଟାର୍ଗେଟ କରିଛି।