ଭାରତ ପାଇଁ ନୂଆ ହାଇ କମିସନର୍ ନିଯୁକ୍ତ କଲା ପାକିସ୍ତାନ
ଇସଲାମାବାଦ: ପାକିସ୍ତାନ ଭାରତରେ ନୂଆ ହାଇ କମିସନର୍ ଙ୍କୁ ନିଯୁକ୍ତ କରିଛି | ମୋଇନ ଉଲ ହକ ହାଇ କମିସନର୍ ଭାବେ ନିଯୁକ୍ତି ପାଇଛନ୍ତି | ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ସୋମବାର ଭାରତ,ଚୀନ ଓ ଜାପାନ ସହ ଅନ୍ୟ କିଛି ଦେଶରେ ନିଜର ନୂଆ ହାଇ କମିସନରଙ୍କୁ ନିଯୁକ୍ତ କରିଛନ୍ତି | ବର୍ତ୍ତମାନ ହକ ଫ୍ରାନ୍ସରେ ପାକିସ୍ତାନର ରାଷ୍ଟ୍ରଦୂତ ଅଛନ୍ତି | ସେହିପରି ହକଙ୍କ ସହ ପାକିସ୍ତାନର ନୂଆ ବିଦେଶ ସଚିବ ମଧ୍ୟ ବଦଳିଛନ୍ତି | ବିଦେଶ ସଚିବ ଭାବେ ସୋହେଲ ମହମ୍ମଦଙ୍କୁ ନିଯୁକ୍ତି ମିଳିଛି |
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନର ବୈଦେଶିକ ମନ୍ତ୍ରୀ ସାହା ମହମ୍ମଦ କ୍ୟୁରେସି କହିଛନ୍ତି ଯେ ନୂଆଦିଲ୍ଲୀ ,ଭାରତ ସେମାନଙ୍କ ପାଇଁ ବହୁତ ଗୁରୁତ୍ୱ ରଖେ | ଫ୍ରାନ୍ସରେ ରାଷ୍ଟ୍ରଦୂତ ଭାବେ ନିଯୁକ୍ତ ଥିବା ମୋଇନ ଉଲ ହକଙ୍କୁ ନୂଆ ହାଇ କମିସନର୍ ଭାବେ ନିଯୁକ୍ତି ଦିଆଯାଇଛି | ତେଣୁ ତାଙ୍କୁ ଦିଲ୍ଲୀ ପଠାଯିବ | କ୍ୟୁରେସି ଆହୁରି ମଧ୍ୟ କହିଛନ୍ତି ଯେ ଭାରତରେ ନିର୍ବାଚନ ପ୍ରକ୍ରିୟା ସମାପ୍ତ ହେବାକୁ ଯାଉଛି | ନିର୍ବାଚନ ପରେ କଥାବାର୍ତ୍ତା ପରେ ଭାରତ ସହ ନୂଆ ସମ୍ପର୍କ ଆରମ୍ଭ ହେବାକୁ ଯାଉଛି |