ପାକିସ୍ତାନ ବିଦେଶୀ ମନ୍ତ୍ରାଳୟର ଓ୍ଵବ୍ସାଇଟ୍ ହ୍ୟାକ ହେବାପରେ ଭାରତୀୟ ହ୍ୟାକରଙ୍କୁ ସନ୍ଦେହ ଦୃଷ୍ଟିରେ ଦେଖୁଛି ପାକିସ୍ତାନ
ନୂଆଦିଲ୍ଲୀ: ପାକିସ୍ତାନ ବିଦେଶୀ ମନ୍ତ୍ରାଳୟର ଓ୍ଵବ୍ସାଇଟ୍ ହ୍ୟାକ୍ ହୋଇଥିବା ଖବର ମିଳିଛି। ଏଥିନେଇ ଭାରତୀୟ ହ୍ୟାକରଙ୍କୁ ସନ୍ଦେହ ଦୃଷ୍ଟିରେ ଦେଖୁଛି ପାକିସ୍ତାନ। ଗତକାଲି ପାକିସ୍ତାନୀ ବିଦେଶ ମନ୍ତ୍ରାଳୟର ଓ୍ଵବ୍ସାଇଟ୍ ହ୍ୟାକ୍ ହୋଇଥିଲା। ବିଦେଶ ମନ୍ତ୍ରାଳୟର ମୁଖପାତ୍ର ମହମ୍ମଦ୍ ଫୈସଲ କହିଛନ୍ତି ପାକିସ୍ତାନୀରେ ଏହି ଓ୍ଵବ୍ସାଇଟ୍ ଠିକ୍ ଭାବେ କାମ କରୁଛି, ମାତ୍ର କେତେକ ଦେଶରେ ତାହା ସୁଚାରୁରୂପେ କାମ କରୁନଥିବାର ଅଭିଯୋଗ ଆସିଥିଲା। ପାକିସ୍ତାନ ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ,ହଲାଣ୍ଡ,ଅଷ୍ଟ୍ରେଲିଆ ,ବ୍ରିଟେନ୍ ଓ ସାଉଦି ଆରବ ଆଦି ଦେଶରୁ ଅଭିଯୋଗ ମିଳିଥିଲା ଯେ ଓ୍ଵବ୍ ସାଇଟ୍ ସଠିକ୍ ଚାଲୁ ନାହିଁ।
Sambad is now on WhatsApp
Join and get latest news updates delivered to you via WhatsApp
ଆହୁରି ମଧ୍ୟ କୁହାଯାଉଛି ଯେ ମନ୍ତ୍ରାଳୟର ଓ୍ଵବସାଇଟ୍ରେ ସାଉଦୀ ପ୍ରିନ୍ସ ମହମ୍ମଦ ବିନ୍ ସଲମାନଙ୍କର ପାକିସ୍ତାନ ଗସ୍ତ ଓ କାଶ୍ମୀରକୁ ନେଇ ସୂଚନା ଓ ଖବର ପ୍ରସାରିତ ହେଉଥିବା କାରଣରୁ ହ୍ୟାକିଂ ହୋଇଛି।
ଏହାପରେ ଭାରତ ଉପରେ ସନ୍ଦେହ ଉପୁଜିଛି ବୋଲି ସେ କହିଛନ୍ତି। ଜମ୍ମୁ-କାଶ୍ମୀରର ପୁଲଓ୍ଵାମାଠାରେ ସଂଗଠିତ ଆତଙ୍କବାଦୀ ଆକ୍ରମଣ ଯୋଗୁଁ ଭାରତ-ପାକ ମଧ୍ୟରେ ତୀବ୍ର ଉତ୍ତେଜନା ପ୍ରକାଶ ପାଇଥିବା ବେଳେ ପାକିସ୍ତାନ ବିଦେଶ ମନ୍ତ୍ରାଳୟର ଓ୍ଵବ୍ସାଇଟ୍ ହ୍ୟାକ୍ ହୋଇଛି।