ହୃତପିଣ୍ଡ ପ୍ରତିରୋପଣ ପାଇଁ ଭାରତକୁ ସାହାଯ୍ୟ ମାଗିଲେ ପାକିସ୍ତାନ ହକି କିମ୍ବଦନ୍ତୀ ମନ୍ସୁର୍ ଅହମ୍ମଦ
ନୂଆଦିଲ୍ଲୀ : ପାକିସ୍ଥାନର ହକି କିମ୍ବଦନ୍ତୀ ମନ୍ସୁର୍ ଅହମ୍ମଦ୍ଙ୍କ ହୃଦ୍ଜନିତ ସମସ୍ୟା ଥିବାରୁ ତାଙ୍କ ହୃତପିଣ୍ଡ ପ୍ରତିରୋପଣ କରାଯିବା ଆବଶ୍ୟକ ହୋଇପଡ଼ିଛି । ଏଥି ପାଇଁ ସେ ଭାରତକୁ ସାହାଯ୍ୟ ମାଗିଛନ୍ତି । ନବେ ଦଶକରେ ସେ ପାକିସ୍ତାନ ହକି ଦଳର ଅଧିନାୟକ ଥିବା ବେଳେ ପାକିସ୍ଥାନକୁ ଗର୍ବିତ କରାଇ ପାରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଦୁଇ ଦେଶ ମଧ୍ୟ ସବୁ ବେଳେ କଳହ ଲାଗି ରହିଥିଲେ ମଧ୍ୟ ଭାରତ ତାଙ୍କୁ ଦରକାର ପଡ଼ିଲେ ସାହାଯ୍ୟ ଯୋଗାଇବ ବୋଲି ମନ୍ସୁର୍ ଅହମ୍ମଦ୍ ଆଶା ରଖିଛନ୍ତି । ସେ କହନ୍ତି, ‘୪-୫ବର୍ଷ ପୂର୍ବରୁ ମୋର ହୃଦ୍ଜନିତ ସମସ୍ୟା ଦେଖା ଯିବାରୁ ଅସ୍ତ୍ରୋପଚାର କରାଯାଇଥିଲା । କିନ୍ତୁ ଅସ୍ତ୍ରୋପଚାର ପରେ ମଧ୍ୟ ମୋର ଏହି ସମସ୍ୟାର କୌଣସି ସମାଧାନ ମିଳିପାରି ନ ଥିଲା । ପୂର୍ବ ମାସରେ ମୋର ଶାରୀରିକ ଅବସ୍ଥା ଅଧିକ ଖରାପ ହେବାରୁ ଡ଼ାକ୍ତର ମୋତେ ହୃଦ୍ ପ୍ରତିରୋପଣ ପାଇଁ କହିଥିଲେ । ମୋର ଚିକିତ୍ସା କରାଚୀର ଜିନ୍ନା ପୋଷ୍ଟଗ୍ରାଜୁଏଟ୍ ମେଡ଼ିକାଲ ସେଣ୍ଟରରେ କରାଯାଉଥିବା ବେଳେ ହୃଦ୍ ପ୍ରତିରୋପଣ ପାଇ ଭାରତ ଏବଂ କାଲିଫର୍ଣ୍ଣିଆକୁ ମୋର ରିପୋର୍ଟ ପଠାଯାଇଛି ।
କିନ୍ତୁ ମୋ ଜାଣିବାରେ ଭାରତରେ ଏ ସବୁ ସମସ୍ୟା ପାଇଁ କମ ମୂଲ୍ୟରେ ଭଲ ଚିକିତ୍ସା କରାଯାଉଥିବାରୁ ମୋର ଚିକିତ୍ସା ଭାରତରେ ହେଉ ବୋଲି ମୁଁ ଚାହୁଁଛି । ମୁଁ ଭାରତଠାରୁ କୌଣସି ଆର୍ଥିକ ସହାୟତା ଚାହୁଁ ନାହିଁ । ମୁଁ ଚହୁଁଛି ଯେତେବେଳେ ମୋତେ ଭାରତ ନିଆଯିବା ପାଇଁ ଡ଼ାକ୍ତର ଅନୁମତି ଦେବେ ସେ ସମୟରେ ମୋତେ ଭିସା ମିଳୁ । ସେ ନେଇ କୌଣସି ଅସୁବିଧା ନ ହେଉ।’