ଇସ୍ଲାମାବାଦ: ଆତଙ୍କବାଦକୁ ନେଇ ପାକିସ୍ତାନ ଓ ଇରାନ ମଧ୍ୟରେ ପରିସ୍ଥିତି ଦିନକୁ ଦିନ ବିସ୍ଫୋରକ ମୋଡ ନେଉଛି । କିନ୍ତୁ ମଜା କଥା ହେଉଛି ଉଭୟ ଦେଶ ପରସ୍ପର ଉପରେ ଆତଙ୍କବାକକୁ ପ୍ରେତ୍ସାହନ ଦେଉଥିବା ଅଭିଯୋଗ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ୧୮ ତାରିଖରେ ପାକିସ୍ତାନର ଅଶାନ୍ତ ବେଲୁଚିସ୍ତାନ ପ୍ରଦେଶରେ ହୋଇଥିବା ଆତଙ୍କବାଦୀ ଆକ୍ରମଣରେ ପାକିସ୍ତାନୀ ନୌସେନାର ୧୪ ଯବାନ ନିହତ ହୋଇଥିଲେ । ଏହି ନୌସୈନିକମାନେ ବେଲୁଚିସ୍ତାନର ଓରାମରା ଅଞ୍ଚଳଦେଇ ଯାଉଥିବାବେଳେ ଅଜଣା ବନ୍ଧୁକଧାରୀ ସେମାନଙ୍କୁ ବସରୁ ଓହ୍ଲାଇ ଆଖିବୁଜା ଗୁଳିଚାଳନା କରିବାରୁ ଘଟଣାସ୍ଥଳରେ ୧୪ ଯବାନ ନିହତ ହୋଇଥିଲେ । କିନ୍ତୁ ଏହା ପଛରେ ଇରାନରେ ଥିବା ଆତଙ୍କବାଦୀଙ୍କ ହାତ ରହିଛି ବୋଲି ପାକିସ୍ତାନ କହିଛି । ଏଥିଲାଗି ପାକିସ୍ତାନ ବୈଦେଶିକ ମନ୍ତ୍ରାଳୟର ପକ୍ଷରୁ ଇରାନ ନିକଟରେ ପ୍ରତିବାଦ କରାଯାଇଛି ।
ଗତ ଫେବ୍ରୁଆରୀମାସ ୧୩ ତାରିଖରେ ଇରାନର ଇସ୍ଲାମିକ ରିଭୋଲ୍ୟୁସନ ଗାର୍ଡ କର୍ପସ (ଆଇଆରଜିସି)ର ଯବାନ ମାନେ ରାତିରେ ବସରେ ଯାଉଥିବା ବେଳେ ଏକ ବିସ୍ଫୋରକ ଭରା କାର ସେଥିରେ ମାଡ ହେବାରୁ ୨୭ ଯବାନ ପ୍ରାଣ ହରାଇଥିଲେ । ଏହି ଘଟଣା ପାଇଁ ଇରାନ ପାକିସ୍ତାନର ଆତଙ୍କବାଦୀ ସଂଗଠନ ଜୈସ ଅଲ ଆଦିଲକୁ ଦାୟୀ କରିଥିଲା । ଏହି ଘଟଣାରେ ପ୍ରତିଶୋଧ ନେବ ବୋଲି ଇରାନ ଧମକ ଦେଇଥିଲା ।