କରଓ୍ଵାଚୌଥ୍ ପାଇଁ ୮ମାସର ଶିଶୁକୁ ଗାଡ଼ି ଭିତରେ ବନ୍ଦ କରି ମେହେନ୍ଦି ଲଗାଇବାକୁ ଗଲା ମା’, ତା’ ପରେ କ’ଣ ହେଲା ଜାଣନ୍ତୁ
ନୂଆଦିଲ୍ଲୀ : ନୋଏଡ଼ାରେ ଦମ୍ପତିଙ୍କ ଦାୟିତ୍ୱହୀନତା ହେତୁ ତାଙ୍କ ୮ମାସର ଶିଶୁ ମୃତ୍ୟୁ ମୁଖରେ ପହଞ୍ଚି ଯାଇଥିଲେ । ମାତା-ପିତା ନିଜ ୮ମାସର ଶିଶୁକୁ ଗାଡ଼ିରେ ବନ୍ଦ କରି ନିଜ ନିଜ କାମରେ ଚାଲିଯିବା ପରେ ଯାହା ଘଟିଥିଲା ତାହା ଏବେ ଚର୍ଚ୍ଚା ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କରଓ୍ଵାଚୌଥ୍ ଥିବାରୁ ନିଜ ୮ମାସର ଶିଶୁକୁ କାର୍ର ଆଗ ସିଟ୍ ବସାଇ ଖେଳିବା ପାଇଁ ଏକ ଚାବି ରିଙ୍ଗ ଦେଇ ଉଭୟ ମାତା-ପିତା ନିଜ ନିଜ କାମରେ ବହାରି ଯାଇଥିଲେ । ମା’ ମେହେନ୍ଦି ଲଗାଇବା ପାଇଁ ଯାଇଥିବା ବେଳେ ବାପା ବଜାରରୁ ଜିନିଷ କିଣିବା ପାଇଁ ଚାଲି ଯାଇଥିଲେ । ଫେରିବାକୁ ବିଳମ୍ବ ହେବାରୁ ଶିଶୁଟି ଭିତରେ ଅଧିକ ସମୟ ରହି ଅଣନିଶ୍ୱାସ ହାଇ ଯାଇଥିଲା । ଯାହା ପାଇଁ ସେ ଜୋରରେ କାନ୍ଦିବା ସହ କାର୍ର କାଚକୁ ହାତରେ ବାଡ଼େଇବାକୁ ଲାଗିଥିଲା ।
ରାସ୍ତାରେ ଯାଉଥିବା ଲୋକେ ଏହି ଦୃଶ୍ୟ ଦେଖି କିଛି ଦୂରରେ ଠିଆ ହୋଇଥିବା ଜଣେ ପୁଲିସକର୍ମୀଙ୍କୁ ଡ଼ାକିଥିଲେ । ଯାହା ପରେ ପୁଲିସକର୍ମୀଜଣଙ୍କ ଆସି କାର୍ର ପଛ ସିଟ୍ର କାଚ ଭାଙ୍ଗି ଶିଶୁଟିକୁ ବାହାରକୁ ଆଣିଥିଲେ । ବାହାରକୁ ଆସିବା ବେଳେ ଶିଶୁଟି ଅଚେତ୍ ହେବା ଅବସ୍ଥା ପର୍ଯ୍ୟନ୍ତ ଚାଲି ଯାଇଥିଲା । କିଛି ସମୟ ବାହାରର ପବନ ବାଜିବା ପରେ ଶିଶୁଟି ଠିକ୍ ହୋଇଥିଲା । ଏହି ସମୟରେ ଶିଶୁର ମାତା-ପିତା ଆସିବା ପରେ ଆଗକୁ ଏପରି ନ କରିବାର ଉପଦେଶ ଦେଇ ଛାଡ଼ିଥିଲେ ପୁଲିସକର୍ମୀ ।