ପ୍ୟାରିସ୍: ବିଳମ୍ବିତ ଶନିବାରେ କେନ୍ଦ୍ରୀୟ ପ୍ୟାରିସ୍ ଠରେ ଜଣକୁ ହତ୍ୟା ଓ ଅନ୍ୟ ଚାରିଜଣଙ୍କୁ ଆହତ କରି ଆଲ୍ଲା ହୋ ଅକବର୍ ଚିତ୍କାର କରୁଥିବା ଜଣେ ଛୁରିଧାରୀଙ୍କୁ ପୁଲିସ ଗୁଳିମାରି ହତ୍ୟା କରିଛି। ଏଥିରେ ଆତଙ୍କବାଦୀ ସଂଶ୍ଳିଷ୍ଟ ଥିବା ସନ୍ଦେହରେ ତଦନ୍ତ ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସହରର ମୁଖ୍ୟ ଅପେରା ହାଉସ୍ ନିକଟରେ ଆକ୍ରମଣ ସଂଗଠିତ ହୋଇଥିଲା। ଏହି ଅଞ୍ଚଳରେ ଅନେକ ବାର୍, ରେସ୍ତୋରାଁ ଏବଂ ପ୍ରେକ୍ଷାଳୟ ଥିବାରୁ ସପ୍ତାହନ୍ତ ରାତ୍ରୀରେ ସ୍ଥାନଟି ଜନସମାଗମରେ ଉଛୁଳି ପଡ଼ିଥିଲା।
ଫ୍ରାନ୍ସ୍ ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ କହିଛନ୍ତି: ଫ୍ରାନ୍ସ୍ ପୁଣି ଥରେ ରକ୍ତର ମୂଲ୍ୟ ଦେଇଛି।
ଏସ୍ଆଇଟିଇ ମନିଟରିଙ୍ଗ୍ ଗ୍ରୁପ୍ କହିବାନୁସାରେ, ଏହି ଘଟଣା ପାଇଁ ଇସ୍ଲାମିକ୍ ଷ୍ଟେଟ୍ ନିଜକୁ ଦାୟୀ କରିଛି।
ପୁଲିସ କହିବାନୁସାରେ, ଲୋକଟି ଛୁରୀରେ ୫ ଜଣଙ୍କୁ ଆକ୍ରମଣ କରିଥିଲା। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି। ବାକି ଦୁଇ ଜଣଙ୍କ ଅବସ୍ଥା ସାଙ୍ଘାତିକ ଥିବା ବେଳେ ସମସ୍ତ ଆହତ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।