ଆମ୍ବୁଲାନ୍‌ସ୍‌ ଭିତରେ ଅକ୍ସିଜେନ୍‌ ଟାଙ୍କି ଫାଟିବାରୁ ରୋଗୀ ମୃତ

0 451

ଆଲାପ୍ପୁଝା: ଆମ୍ବୁଲାନ୍‌ସ୍‌ ଭିତରେ ଥିବା ଅକ୍ସିଜେନ୍‌ ଟାଙ୍କି ଫାଟିବାରୁ ଡାକ୍ତରଖାନା ଯାଉଥିବା ଜଣେ ରୋଗୀଙ୍କର ମୃତ୍ୟୁ ଘଟିଛି। ଘଟଣାଟି ବୁଧବାର ଦିନ କେରଳର ଆଲାପ୍ପୁଝା ଜିଲ୍ଲାରେ ଘଟିଥିବା ପ୍ରକାଶ।

ଚମ୍ପାକୁଲମ୍‌ ସରକାରୀ ଡାକ୍ତରଖାନା ସମ୍ମୁଖରେ ଆମ୍ବୁଲାନ୍‌ସ୍‌ରେ ନିଅାଁ ଲାଗି ଯାଇଥିଲା। ଚମ୍ପାକୁଲମ୍‌ ଡାକ୍ତରଖାନାରୁ ସମ୍ପୃକ୍ତ ରୋଗୀଜଣଙ୍କୁ ଆଲାପ୍ପୁଝା ମେଡିକାଲ୍‌ କଲେଜ୍‌କୁ ନିଆଯାଉଥିଲା। ପୋଡ଼ି ଯିବାରୁ ରୋଗୀଜଣଙ୍କର ମୃତ୍ୟୁ ଘଟିଲା। ଆମ୍ବୁଲାନ୍‌ସ୍‌ରେ ଥିବା ରୋଗୀ ଓ ନର୍ସ ଆହତ ହୋଇଛନ୍ତି।

ମୃତ ରୋଗୀଙ୍କର ନାମ ମୋହନନ୍‌ ନାୟର୍‌ ବୋଲି ଜଣାପଡ଼ିଛି।

ଅଗଷ୍ଟ ୨୭ ତାରିଖ ଦିନ, ଗୋଟିଏ ଡାକ୍ତରଖାନାରୁ ଅନ୍ୟ ଏକ ଡାକ୍ତରଖାନାକୁ ସ୍ଥାନାନ୍ତରଣ କରାଯାଉଥିବା ସମୟରେ ଛତିଶଗଡ଼ର ଜଣେ ୫ ବର୍ଷୀୟ ବାଳିକାର ମୃତ୍ୟୁ ଘଟିଥିଲା। ଝିଅଟିର ଭେଣ୍ଟିଲେଟର୍‌ ସପୋର୍ଟ ସିଷ୍ଟମ୍‌ ଲାଗିଥିବା ଟାଙ୍କିରୁ ଅମ୍ଳଜାନ ସରିଯିବାରୁ ଏ ଭଳି ବିୟୋଗାନ୍ତ ଘଟଣା ଘଟିଥିଲା ବୋଲି କୁହାଯାଉଛି।

ସମ୍ବନ୍ଧିତ ଖବର

Leave A Reply

Your email address will not be published.