ନିଜର ପ୍ରିୟ ସ୍କୁଲ ଶିକ୍ଷକ ବିମାନ ମଧ୍ୟରେ ଥିବା ଜାଣି ଏଭଳି ଭାବରେ ସମ୍ମାନିତ କଲେ ପାଇଲଟ, ଭିଡିିଓ ହେଲା ଭାଇରାଲ
ନୂଆଦିଲ୍ଲୀ : ନିଜ ପସନ୍ଦର ସ୍କୁଲ ଶିକ୍ଷକଙ୍କୁ ତାଙ୍କ ପାଉଣା ଦେବା ପାଇଁ ଜଣେ ପାଇଲଟ ଯାହା କରିଛନ୍ତି,ତାହା ଏବେ ଚର୍ଚ୍ଚାର ବିଷୟ ପାଲଟିଛି । ବିମାନ ଭିତରରେ ପାଇଲଟ ଜଣକ ନିଜ ଶିକ୍ଷକଙ୍କୁ ଯେଉଁଭଳି ଭାବରେ ସମ୍ମାନ ଜଣାଇଥିଲେ, ତାହାର ଫଟୋ ଏବଂ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଭିଡ଼ିଓରେ ଛାତ୍ରଙ୍କ ଏଭଳି କାମ ଦେଖି ଶିକ୍ଷକଜଣକ ଭାବବିହ୍ଵଳ ହେବା ସହ କାନ୍ଦି ପକାଇଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତୁର୍କୀସ ଏୟାରଲାଇନ୍ରେ କାମ କରୁଥିବା ଜନୈକ ପାଇଲଟ ନିଜ ପସନ୍ଦର ସ୍କୁଲ ଶିକ୍ଷକ ସେହି ବିମାନରେ ଯାତ୍ରା କରୁଥିବା ଜାଣି ତାଙ୍କୁ ସମ୍ମାନିତ କରିବା ପାଇଁ ସ୍ୱତନ୍ତ୍ର ଆୟୋଜନ କରିଥିଲେ । ପ୍ରଥମେ ସେ ବିମାନରେ ଥିବା ସମସ୍ତ ଯାତ୍ରୀଙ୍କୁ ନିଜ ସ୍କୁଲ ଶିକ୍ଷକଙ୍କ ପରିଚୟ କରାଇବା ପରେ କ୍ୟାବିନ୍ କ୍ରିଉ ମେମ୍ବରମାନେ ଗୋଟିଏ ଲାଇନ୍ରେ ଆସି ଶିକ୍ଷକଙ୍କୁ ଫୁଲ ତୋଡ଼ା ଦେଇଥିଲେ । ଯାହା ପରେ ଶିକ୍ଷକଜଣଙ୍କ ଭାବବିହ୍ଵଳ ହୋଇ କାନ୍ଦି ପକାଇଥିଲେ । ଏହା ପରେ ପାଇଲଟ ଆସି ନିଜ ଶିକ୍ଷକଙ୍କୁ ଆଲିଙ୍ଗନ କରିବା ସହ ତାଙ୍କୁ ଧନ୍ୟବାଦ୍ ଜଣାଇଥିଲେ ।
Turkish Airlines pilot thanks his school teacher who was on board the flight. Very moving and shows the ultimate respect to the educators who shape our lives. pic.twitter.com/loEvkLQh3m
— Ihtisham ul Haq (@iihtishamm) November 28, 2018
ଏହି ଦୃଶ୍ୟ ଦେଖି ଯାତ୍ରା କରୁଥିବା ଯାତ୍ରୀଙ୍କ ଆଖିରେ ଲୁହ ଆସି ଯାଇଥିଲା । ଏହି ସମୟରେ ଭିଡ଼ିଓ ଏବେ ଟୁଇଟ୍ରରେ ଜଣେ ସାମ୍ବାଦିକ ପୋଷ୍ଟ କରିଥିବା ବେଳେ ତାହା ଏବେ ଭାଇରାଲ ହେବାରେ ଲାଗିଛି ।