ମୋଦୀ ପ୍ରଧାନମନ୍ତ୍ରୀ ହେଲେ ରାଜନୀତିରୁ ସନ୍ନ୍ୟାସ ନେବି ବୋଲି କହିଥିଲେ ଏଚ୍ ଡି ଦେବଗୌଡାଙ୍କ ବଡ଼ ପୁଅ, ମୋଦୀ କହିଲେ; ୨୦୧୪ରେ ତୁମ ବାପା ବି ଏଇ କଥା କହିଥିଲେ, କିନ୍ତୁ ନେଲେ ନାହିଁ
ବେଙ୍ଗାଲୁରୁ : ଲୋକସଭା ନିର୍ବାଚନ ଆରମ୍ଭ ହୋଇ ସାରିଥିଲେ ମଧ୍ୟ ନେତାମାନଙ୍କ ମଧ୍ୟରେ ବୟାନବାଜି ଜାରି ରହିଛି । ପ୍ରତିଦିନ ନେତାମାନେ ପରସ୍ପର ବିରୋଧରେ ବୟାନବାଜି କରୁଥିବା ଦେଖା ଯାଇଛି । ଏହି କ୍ରମରେ ପୂର୍ବତନ ପ୍ରଧାନମନ୍ତ୍ରୀ ଏଚ୍ ଡି ଦେବ୍ଗୌଡାଙ୍କ ବଡ଼ ପୁଅ ଏଚ୍ ଡି ରେଭନ୍ନା ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେଇ ନିଜର ବୟାନ ରଖିଥିଲେ । ସେ କହିଥିଲେ, ଯଦି ନରେନ୍ଦ୍ର ମୋଦୀ ବାରଣାସୀ ଲୋକସଭା ଆସନରୁ ନିର୍ବାଚିତ ହୋଇ ପୁଣି ଥରେ ଭାରତର ପ୍ରଧାନମନ୍ତ୍ରୀ ହୁଅନ୍ତି, ତେବେ ମୁଁ ରାଜନୀତିରୁ ସନ୍ନ୍ୟାସ ନେବି । ତାଙ୍କର ଏଭଳି ବୟାନକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଏହି ବୟାନକୁ ନେଇ ନିଜର ମତ ରଖିଛନ୍ତି ପ୍ରଧାନମନ୍ତ୍ରୀ ମୋଦୀ । କର୍ଣ୍ଣାଟକର କୋପ୍ପଲରେ ନିର୍ବାଚନୀ ରାଲିକୁ ସମ୍ବୋଧନ କରି ସେ ଏଚ୍ ଡି ରେଭନ୍ନାଙ୍କ ବୟାନ ଉପରେ ନିଜର ପ୍ରତିକ୍ରିୟା ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
୨୦୧୪ରେ ଏଚ୍ ଡି ରେଭନ୍ନାଙ୍କ ବାପା ଏଚ୍ ଡି ଦେବ୍ଗୌଡାଜୀ ମୁଁ ପ୍ରଧାନମନ୍ତ୍ରୀ ହେଲେ ରାଜନୀତିରୁ ସନ୍ନ୍ୟାସ ନେବେ ବୋଲି କହିଥିଲେ । କିନ୍ତୁ ସେଭଳି କିଛି ହେଲା ନାହିଁ । ଏବେ ତାଙ୍କ ବଡ଼ ପୁଅ ଏଚ୍ ଡି ରେଭନ୍ନା ୨୦୧୯ରେ ମୁଁ ପ୍ରଧାନମନ୍ତ୍ରୀ ଦେଲେ ରାଜନୀତିରୁ ସନ୍ନ୍ୟାସ ନେବେ ବୋଲି କହୁଛନ୍ତି । ସତରେ କ’ଣ ସେ ସନ୍ନ୍ୟାସ ନେବେ କି? ବୋଲି କହି ପ୍ରଶ୍ନ କରିଥିଲେ ମୋଦୀ ।