ନାଗପୁର : ରାଷ୍ଟ୍ରୀୟ ସ୍ୱୟଂ ସେବକ ସଂଘ( ଆରଏସଏସ)ର ଏକ କାର୍ଯ୍ୟକ୍ରମରେ ଯୋଗ ଦେବାପାଇଁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ କିଛି ସମୟ ପୂର୍ବେ ନାଗପୁରରେ ପହଞ୍ଚିଛନ୍ତି । ଏୟାରପୋର୍ଟରେ ତାଙ୍କୁ ସଂଘ ପକ୍ଷରୁ ଉଚ୍ଛସିତ ସମ୍ବର୍ଦ୍ଧନା ଦିଆଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା କାଲି ହେବାକୁ ଥିବା ଆରଏସଏସର ଏକ ବାର୍ଷିକ କାର୍ଯ୍ୟକ୍ରମ ‘ତୃତୀୟ ବର୍ଷ ବର୍ଗ’ରେ ସେ ମୁଖ୍ୟ ଅତିଥିଭାବେ ଯୋଗ ଦେଇ ନିଜର ଅଭିଭାଷଣ ପ୍ରଦାନ କରିବେ । ତେବେ ନିଜ ଭାଷଣରେ ପ୍ରଣବ ଦା କଣ କହିବେ ତାହା ଉପରେ ସାରା ଦେଶର ଆଖି ରହିଛି । କାରଣ ସେ ଆରଏସଏସ କାର୍ଯ୍ୟକ୍ରମରେ ଯୋଗ ଦେବାକୁ ସ୍ୱୀକୃତି ପ୍ରଦାନ କରିବାକୁ ନେଇ ଏକ ବିବାଦ ସୃଷ୍ଟି ହୋଇଛି । ଏହି କାର୍ଯ୍ୟକ୍ରମକୁ ବାତିଲ କରିବାକୁ କଂଗ୍ରେସ ତାଙ୍କୁ ଅନୁରୋଧ କରିଛି । ଆରଏସଏସର ବିଚାରଧାରା କଂଗ୍ରେସର ଆଦର୍ଶର ବିପରୀତ । ଏଣୁ ଆଜୀବନ କଂଗ୍ରେସରେ ରହିଥିବା ପ୍ରଣବ ଦା ଆରଏସଏସ ବୈଠକରେ ଯୋଗ ଦେବା ଉଚିତ ନୁହେଁ ବୋଲି କଂଗ୍ରେସ ପକ୍ଷରୁ କୁହାଯାଇଛି । ଅନ୍ୟପକ୍ଷରେ ପ୍ରଣବଙ୍କୁ ନିମନ୍ତ୍ରଣ କରି ଆରଏସଏସ ନିଜର କଠୋରପନ୍ଥୀ ଭାବମୂର୍ତ୍ତିକୁ ବଦଳାଇବାକୁ ଉଦ୍ୟମ କରୁଛି । ତେବେ ଆସନ୍ତା କାଲି ସେ କଣ କହିବେ ତାହା ଉପରେ ସାରା ଦେଶର ନଜର ରହିବ ।