ଲୋକମାନେ ଗଣତନ୍ତ୍ରର ମୁଖ୍ୟ ଶକ୍ତି : ରାଷ୍ଟ୍ରପତି ରାମନାଥ କୋବିନ୍ଦ
ନୂଆଦିଲ୍ଲୀ : ଲୋକମାନେ ହେଉଛନ୍ତି ଆମ ଗଣତନ୍ତ୍ରର ମୁଖ୍ୟ ଶକ୍ତି । ଲୋକମାନେ ଆମ ଗଣତନ୍ତ୍ରର ମୁଖ୍ୟ ମୂଲ୍ୟବୋଧ ବିବିଧତା ଓ ସମାନତାକୁ ରକ୍ଷା କରିବା ଆବଶ୍ୟକ ବୋଲି ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
୭୧ ଗଣତନ୍ତ୍ର ଦିବସର ଅବ୍ୟବହିତ ପୂର୍ବରୁ ଜାତି ଉଦ୍ଦେଶ୍ୟରେ ଅଭିଭାଷଣ ଦେଇ ସେ କହିଛନ୍ତି ଯେ ବ୍ୟବସ୍ଥାପକ, କାର୍ଯ୍ୟପାଳିକା ଓ ନ୍ୟାୟପାଳିକା ଆମ ଗଣତନ୍ତ୍ରର ମୁଖ୍ୟ ଅଙ୍ଗ, କିନ୍ତୁ ଲୋକମାନେ ହିଁ ହେଉଛନ୍ତି ଆମ ଗଣତନ୍ତ୍ରର ସବୁକିଛି । ଆମେ ଯଦି ମହାତ୍ମା ଗାନ୍ଧିଙ୍କ ଜୀବନାଦର୍ଶକୁ ପାଳନ କରିବା ତେବେ ଆମେ ଆମ ଗଣତନ୍ତ୍ରର ମୂଲ୍ୟବୋଧକୁ ରକ୍ଷା କରିପାରିବା । ସେ କହିଛନ୍ତି ଯେ ଶିକ୍ଷାନୁଷ୍ଠାନ ଗୁଡ଼ିକୁ ଆମ ସଂସ୍କୃତିରେ ମନ୍ଦିର ଭଳି ପୂଜା କରାଯାଏ । କାରଣ ଶିକ୍ଷା ହିଁ ଆମକୁ ସଶକ୍ତ କରେ । ଅନ୍ୟପକ୍ଷରେ ଜଳ ସଂରକ୍ଷଣ ପାଇଁ ସେ ଆହ୍ଵାନ ଜଣାଇଛନ୍ତି । ସମ୍ବିଧାନ ଆମକୁ ବିଭିନ୍ନ ଅଧିକାର ଦେଇଛି । ଏହା ସହିତ ଆମର କେତେକ କର୍ତ୍ତବ୍ୟ ମଧ୍ୟ ରହିଛି । ଗଣତନ୍ତ୍ରର ମୂଳ ଆଦର୍ଶ ନ୍ୟାୟ,ସ୍ୱାଧୀନତା,ସମାନତା ଓ ସଦ୍ଭାବ ରକ୍ଷା କରିବା ନାଗରିକମାନଙ୍କ ଦାୟିତ୍ୱ ।
ସେ କହିଛନ୍ତି ଯେ ଲୋକମାନଙ୍କ ସହଯୋଗ ବଳରେ ସ୍ୱଚ୍ଛଭାରତ ମିଶନ ପରି କାର୍ଯ୍ୟକ୍ରମ ସଫଳ ହୋଇପାରିଛି । ସେ ଆହୁରି ମଧ୍ୟ କହିଛନ୍ତି ଦେଶର ଆଭ୍ୟନ୍ତରୀଣ ସୁରକ୍ଷା ଉପରେ ସରକାର ଗୁରୁତ୍ୱ ଦେଉଛନ୍ତି । ଅନ୍ୟପକ୍ଷରେ ସରକାର ଲୋକଙ୍କ ବିକାଶ ପାଇଁ ଅନେକ କଲ୍ୟାଣମୂଳକ କାର୍ଯ୍ୟକ୍ରମ କାର୍ଯ୍ୟକାରୀ କରୁଛନ୍ତି ।