ଏକକ ନିର୍ବାଚନ ପ୍ରସ୍ତାବକୁ ସମର୍ଥନ ଦେଲେ ରାଷ୍ଟ୍ରପତି ରାମନାଥ କୋବିନ୍ଦ
ନୂଆଦିଲ୍ଲୀ: ଆଜି ସଂସଦର ପ୍ରଥମ ଅଧିବେଶନରେ ଉଭୟ ଲୋକସଭା ଓ ରାଜ୍ୟସଭାର ସମସ୍ତ ସାଂସଦମାନଙ୍କୁ ଉଦ୍ବୋଧନ ଦେଇ ରାଷ୍ଟ୍ରପତି ରାମନାଥ କୋବିନ୍ଦ କେନ୍ଦ୍ର ସରାକାରଙ୍କ ଏକକ ନିର୍ବାଚନ ପ୍ରସ୍ତାବ ପ୍ରସଂଗରେ ନିଜର ସମର୍ଥନ ଜଣାଇଛନ୍ତି। ଏକକ ନିର୍ବାଚନ ଏକ ବିକାଶ ରାଷ୍ଟ୍ର ଗଠନ କରିବାରେ ସହାୟକ ହେବ ବୋଲି କହି ସାଂସଦମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଏହି ପ୍ରସ୍ତାବକୁ ସମର୍ଥନ କରିବାକୁ ପରାମର୍ଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗତ କେତେ ଦଶଂନ୍ଧି ଭିତରେ ଭାଗ ଭାଗ ହୋଇ ନିର୍ବାଚନ ହେଉଥିବା ହେତୁ ଏହା ଦେଶର ବିକାଶ ଉପରେ ବିଶେଷ ପ୍ରଭାବ ପକଇ ଆସୁଛି ବୋଲି ସେ ମତ ରଖିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକକ ନିର୍ବାଚନକୁ ନେଇ ଆଲୋଚନା କରିବାକୁ ଏକ ବୈଠକ ଡକାଇବାର ଠିକ୍ ପରଦିନ ରାଷ୍ଟ୍ରପତି କୋବିନ୍ଦ ତାଙ୍କର ସମର୍ଥନ ଦେଇଛନ୍ତି।
ଉଲ୍ଲେଖଯୋଗ୍ୟ, ଗତକାଲି ଦେଶରେ ଏକକ ନିର୍ବାଚନ ପ୍ରସ୍ତାବ ପ୍ରସଂଗରେ ଆଲୋଚନା କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ ଦଳକୁ ନେଇ ଏକ ବୈଠକ ଡାକିଥିଲେ। ତେବେ, ଏହି ବୈଠକରେ କଂଗ୍ରେସ ସମେତ ସମୁଦାୟ ୮ଟି ବିରୋଧୀ ଦଳ ଅନୁପସ୍ଥିତ ରହିଥିଲେ। ମୋଦୀ ବୈଠକକୁ ସମ୍ବୋଧନ ଏହି ପ୍ରସ୍ତାବ ଉପରେ ପରାମର୍ଶ ଦେବା ପାଇଁ ଆଗକୁ ଏକ କମିଟି ଗଠନ କରାଯିବ ବୋଲି ମତ ରଖିଥିଲେ।