ଜାମ୍ମୁ ଓ କାଶ୍ମୀରରେ ଲାଗୁ ହେଲା ରାଷ୍ଟ୍ରପତି ଶାସନ , ଏବେ ସମ୍ପୂର୍ଣ୍ଣ ଶାସନଭାର କେନ୍ଦ୍ର ହାତରେ
ନୂଆଦିଲ୍ଲୀ: ୬ ମାସ ତଳେ ଜାମ୍ମୁ ଓ କାଶ୍ମୀରରେ ଲଗାଯାଇଥିବା ରାଜ୍ୟପାଳ ଶାସନର ମିଆଦ ଆଦି ପୂରଣ ହେବା ପରେ ଆଜିଠାରୁ ସେଠାରେ ରାଷ୍ଟ୍ରପତି ଶାସନ ଲାଗୁ ହୋଇଛି । ଏ ନେଇ ରାଜ୍ୟପାଳ ସତ୍ୟପାଳ ମଲ୍ଲିକ କେନ୍ଦ୍ରକୁ ସୁପାରିଶ କରିଥିଲେ । ଆଜି ରାଷ୍ଟ୍ରପତି ରାମନାଥ କୋବିନ୍ଦ ଏହାକୁ ଅନୁମୋଦନ କରିଛନ୍ତି । ରାଷ୍ଟ୍ରପତିଙ୍କ ଅନୁମୋଦନ ପାଇବା ପରେ ରାଜ୍ୟପାଳ ରାଜ୍ୟରେ ଶାସନ କରିବେ। ଗତ ଜୁନ ମାସରେ ପିପୁଲ୍ସ୍ ଡେମୋକ୍ରାଟିକ୍ ପାର୍ଟିରୁ ବିଜେପି ସମର୍ଥନ ପ୍ରତ୍ୟାହାର କରିବା ପରେ ମେହବୁବା ମୁଫତି ସରକାରର ପତନ ହୋଇଥିଲା । ଏହାର ଦିନକ ପରେ ଜମ୍ମୁ ଓ କଶ୍ମୀରରେ ରାଜ୍ୟପାଳ ଶାସନ ଲଗାଯାଇଥିଲା । ୨୦୦୮, ୨୦୧୫ ଏବଂ ୨୦୧୬ରେ ଜମ୍ମୁ ଓ କଶ୍ମୀରରେ ରାଜ୍ୟପାଳ ଶାସନ ଲାଗୁ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ରାଜ୍ୟରେ ରାଷ୍ଟ୍ରପତି ଶାସନ ଲାଗୁ ହେବା ପରେ ଏବେ ଏହା ସଂପୂର୍ଣ୍ଣଭାବେ କେନ୍ଦ୍ର ସରକାରଙ୍କ ନିୟନ୍ତ୍ରଣକୁ ଆସିଯାଇଛି । ଜାମ୍ମୁ ଓ କାଶ୍ମୀରର ଏକ ସ୍ୱତନ୍ତ୍ର ସମ୍ବିଧାନ ଥିବାରୁ ପ୍ରଥମେ ସେଠାରେ ୬ ମାସ ପାଇଁ ରାଜ୍ୟପାଳ ଶାସନ ଲାଗୁହେବା ବାଧ୍ୟତାମୂଳକ । ତାପରେ ସେଠାରେ ରାଷ୍ଟ୍ରପତି ଶାସନ ଲାଗୁହୋଇପାରିବ ।