ଫଟୋ ନକଲ ମାମଲାକୁ ନେଇ ମମତାଙ୍କ ଉପରେ ବର୍ଷିଲେ ମୋଦୀ, କହିଲେ; ମେ’ ୨୩ରେ ମୋର ଖରାପ ଚିତ୍ର ତିଆରି କରି ମୋତେ ଉପହାର ଦେଇ ପାରିବ
କୋଲକାତା : ୨୦୧୯ ଲୋକସଭା ନିର୍ବାଚନର ଅନ୍ତିମ ପର୍ଯ୍ୟାୟ ମତଦାନ ମେ’ ୧୯ରେ ହେବାକୁ ଥିବା ବେଳେ ପଶ୍ଚିମବଙ୍ଗରେ ହିଂସାକାଣ୍ଡ ଚରମ ସୀମାରେ ପହଞ୍ଚିଛି । ମଙ୍ଗଳବାର କୋଲକାତାରେ ଅମିତ ଶାହାଙ୍କ ରୋଡ୍ ସୋ’ରେ ହୋଇଥିବା ହିଂସାକାଣ୍ଡ ପାଇଁ ଏବେ କୋଲକାତାର ମାହୋଲ ଗରମ ରହିଛି । ତେବେ ପଶ୍ଚିମବଙ୍ଗରେ ହିଂସାକାଣ୍ଡ ପାଇଁ ମମତା ବିଜେପିକୁ ଦାୟୀ କରୁଥିବା ବେଳେ ବୁଧବାର ପ୍ରଧାନମନ୍ତ୍ରୀ ମୋଦୀ ପଶ୍ଚିମବଙ୍ଗରେ ପହଞ୍ଚି ମମତାଙ୍କ ଉପରେ ବର୍ଷିଥିବା ଦେଖା ଯାଇଛି । କ୍ଷମାତା ନିଶାରେ ମମତା ପାଗଳ ହୋଇଯିବା ସହ ତାଙ୍କ ଗୁଣ୍ଡାମାନେ ଅସ୍ତ୍ରଶସ୍ତ୍ର ଧରି ଧମକାଉଛନ୍ତି ବୋଲି କହିଛନ୍ତି ମୋଦୀ ।
Sambad is now on WhatsApp
Join and get latest news updates delivered to you via WhatsApp
ଏହା ସହ ପ୍ରିୟଙ୍କା ଶର୍ମାଙ୍କ ଫଟୋ ନକଲ କରିବା ମାମଲା ଉଠାଇ, ଦିଦି ଯେଉଁ ଝିଅମାନଙ୍କୁ ତୁମେ ଜେଲ ପଠାଉଛ । ସେମାନେ ହିଁ ତୁମକୁ ଉଚିତ ଶିକ୍ଷା ଦେବେ । ସାମାନ୍ୟ ଫଟୋ ପାଇଁ ଏତେ ରାଗ । ଦିଦି ତୁମେ ନିଜେ ଜଣେ କଳାକାର । ଆପଣ ମୋତେ ମେ’ ୨୩ ପରେ ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ମୋର ଖରାପ ଚିତ୍ର ତିଆରି କରି ମୋତେ ଉପହାର ଦେଇ ପାରିବେ । ମୁଁ ଆପଣଙ୍କ ବିରୋଧରେ ଏତଲା ରୁଜୁ କରିବି ନାହିଁ ବୋଲି କହିଥିଲେ ମୋଦୀ ।