ନିରାପତ୍ତା କାରଣରୁ ପାକିସ୍ତାନ ଗସ୍ତରେ ଆସିବେ ନାହିଁ ବ୍ରିଟିଶ ରାଜଦମ୍ପତ୍ତି
ଲଣ୍ଡନ : କଶ୍ମୀର ପ୍ରସଙ୍ଗକୁ ନେଇ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବଢିଚାଲିଥିବାରୁ ଇଂଲାଣ୍ଡର ଯୁବରାଜ ଓ ଯୁବରାଣୀ ( ଡ୍ୟୁକ ଏଣ୍ଡ ଡଚେସ ଅଫ କେମ୍ବ୍ରିଜ) ପ୍ରିନ୍ସ ହ୍ୟାରୀ ଓ କେଟ ମିଡଲଟନ ନିଜର ପାକିସ୍ତାନର ଗସ୍ତ ବାତିଲ କରିବାର ସମ୍ଭାବନା ରହିଛି । ବ୍ରିଟେନର ବୈଦେଶିକ ଓ ରାଜ୍ୟଗୋଷ୍ଠୀ ବ୍ୟାପାର ଅଫିସ ସୁତ୍ରକୁ ଉଦ୍ଧାର କରି ନ୍ୟୁଜ ଇଣ୍ଟରନାସନାଲ କହିଛି ଯେ ଏ ଅଞ୍ଚଳରେ ଦେଖାଦେଇଥିବା ପରିସ୍ଥିତିକୁ ଦୃଷ୍ଟିରେ ରଖି ରାଜଦମ୍ପତ୍ତିଙ୍କ ଗସ୍ତ ବାତିଲ କରାଯାଇପାରେ ।
Sambad is now on WhatsApp
Join and get latest news updates delivered to you via WhatsApp
ଗତ ଜୁନ ମାସରେ ବ୍ରିଟିଶ ରାଜପରିବାର ପକ୍ଷରୁ କୁହାଯାଇଥିଲା ଯେ ଚଳିତ ବର୍ଷ ଶେଷ ଆଡକୁ ଡ୍ୟୁକ ଏଣ୍ଡ ଡଚେସ ଅଫ କେମ୍ବ୍ରିଜ ପ୍ରିନ୍ସ ହ୍ୟାରୀ ଓ କେଟ ମିଡଲଟନ ପାକିସ୍ତାନ ଗସ୍ତରେ ଯିବେ । ପୂର୍ବରୁ ଗତ ୨୦୦୬ରେ ପ୍ରିନ୍ସ ଚାର୍ଲସ ଏଣ୍ଡ କାମିଲା ପାକିସ୍ତାନ ଗସ୍ତରେ ଆସିଥିଲେ । ଏହା ପୂର୍ବରୁ ରାଣୀ ଏଲିଜାବେଥ ୧୯୬୧ ଓ ୧୯୯୭ରେ ପାକିସ୍ତାନ ଗସ୍ତରେ ଆସିଥିଲେ ।