ନୂଆଦିଲ୍ଲୀ : କିଛି ଦିନ ତଳେ ପଞ୍ଜାବର ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହ ଏକ ଚାଞ୍ଚଲ୍ୟକର ବୟାନ ଦେଇ ସମସ୍ତଙ୍କୁ ଚମକାଇ ଦେଇଥିଲେ । କଂଗ୍ରେସର ଷ୍ଟାର ପ୍ରଚାରକ ନବ୍ଜୋତ ସିଂହ ସିଦ୍ଧୁ ମୋତେ ହଟାଇ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି ବୋଲି କହିଥିଲେ ଅମ୍ରିନ୍ଦର ସିଂହ । ଏବେ ଅମ୍ରିନ୍ଦର ସିଂହଙ୍କ ଏଭଳି ବୟାନ ଆସିବା ପରେ ସିଦ୍ଧୁଙ୍କୁ ଟାର୍ଗେଟ କରିଛନ୍ତି ମନ୍ତ୍ରୀ ସାଧୁ ସିଂହ ଧର୍ମସୋତ୍ ।
Sambad is now on WhatsApp
Join and get latest news updates delivered to you via WhatsApp
ଯଦି ସିଦ୍ଧୁଙ୍କୁ ମୁଖ୍ୟମନ୍ତ୍ରୀ ଅମ୍ରିନ୍ଦର ସିଂହଙ୍କ ସହ କୌଣସି ଅସୁବିଧା ହେଉଛି, ତେବେ ସେ କ୍ୟାବିନେଟ୍ରୁ ଇସ୍ତଫା ଦେଇ ପାରନ୍ତି । ବିଜେପି ଛାଡ଼ିବା ପରେ ସେ କଂଗ୍ରେସକୁ ଆସିଥିଲେ । ଏବେ ଭଗବାନ ଜାଣନ୍ତି କଂଗ୍ରେସ ଛାଡ଼ିବା ପରେ ସେ ଯିବେ କୁଆଡ଼େ ବୋଲି କହିଛନ୍ତି ସାଧୁ ସିଂହ । ଏହା ସହ ଦଳର ବୈଠକରେ ସେ ଏହି ବିଷୟ ଉପରେ ନିଶ୍ଚୟ ଆଲୋଚନା କରିବେ ବୋଲି କହିଛନ୍ତି ସାଧୁ ସିଂହ ।