ରାହୁଲଙ୍କୁ ଚିଡ଼େଇବା ଲାଗି ଫେବ୍ରୁଆରୀ ୨୦ରେ ରାଫେଲ ଉଡାଇବେ ମୋଦି ସରକାର !
ନୂଆଦିଲ୍ଲୀ : ରାଫେଲ ବିମାନ କିଣାକୁ ନେଇ ମୋଦି ସରକାରଙ୍କୁ ସବୁବେଳେ ଟାର୍ଗେଟ କରୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ନିକଟରେ ଗୋଆ ମୁଖ୍ୟମନ୍ତ୍ରୀ ମନୋହର ପାରିକରଙ୍କୁ ଭେଟିବାପରେ ମଧ୍ୟ ରାହୁଲ ରାଫେଲ କଥା ଉଠାଇଥିଲେ । ଏହାର ଦୃଢ ଜବାବ ମଧ୍ୟ ଦେଇଥିଲେ ପାରିକର ।
ରାହୁଲ ସବୁବେଳେ ରାଫେଲ ରାଫେଲ ହେଉଥିବାରୁ ତାଙ୍କୁ ଚିଡେଇବାକୁ ମୋଦି ସରକାର ଏକ ନୂଆ ଯୋଜନା କରିଛନ୍ତି । ଆସନ୍ତା ଫେବ୍ରୁଆରୀ ୨୦-୨୪ ତାରିଖରେ ବାଙ୍ଗାଲୁରୁର ହେଲେହେଙ୍ଗା ବାୟୁସେନା ଘାଟିଠାରେ ହେବାକୁ ଥିବା ବାଙ୍ଗାଲୁରୁ ଏୟାର ଶୋ’ରେ ରାଫେଲର ଉଡାଣ କରାଯିବ । ଏଥିପାଇଁ ରାଫେଲ ନିର୍ମାଣକାରୀ କମ୍ପାନି ଡାସାଲ୍ଟ ଆଭିଏସନ ପକ୍ଷରୁ ୩ଟି ରାଫେଲ ଭାରତକୁ ଆସିବ । ୨ଟି ରାଫେଲ ବିମାନ ଉଡି ନିଜର କଳାକୌଶଳ ଓ କ୍ଷମତାର ପ୍ରଦର୍ଶନ କରିବେ । ୩ୟ ରାଫେଲଟି ଗ୍ରାଉଣ୍ଡରେ ରହି ପ୍ରଦର୍ଶିତ ହେବ ।
Sambad is now on WhatsApp
Join and get latest news updates delivered to you via WhatsApp
ମୋଦି ସରକାର ୨୦୧୬ରେ ୩୬ଟି ରାଫେଲ ବିମାନ ଯୋଗାଇବା ପାଇଁ ୫୯ ହଜାର କୋଟି ଟଙ୍କାର ଏକ ଚୁକ୍ତି କରିଥିଲେ । ଏହି ଚୁକ୍ତି ଫ୍ରାନ୍ସ ସରକାରଙ୍କ ସହ ହୋଇଥିଲା । ନିକଟରେ ସରକାର ମୋଟ ରାଶିର ୨୫ ପ୍ରତିଶତ ପେମେଣ୍ଟ ଫ୍ରାନ୍ସ ସରକାରଙ୍କୁ କରିଛନ୍ତି । ଏହି ଚୁକ୍ତି ଭାରତ ଓ ଫ୍ରାନ୍ସ ସରକାରଙ୍କ ମଧ୍ୟରେ ହୋଇଥିବାରୁ ଭାରତ ସରକାର ଫ୍ରାନ୍ସ ସରକାରଙ୍କୁ ଅର୍ଥ ପ୍ରଦାନ କରିଛନ୍ତି । ଫ୍ରାନ୍ସ ସରକାର ଏହି ଅର୍ଥ ଡାସାଁ ଆଭିଏସନକୁ ପ୍ରଦାନ କରିବେ ।