ନୂଆଦିଲ୍ଲୀ: ରାଫେଲ ଯୁଦ୍ଧ ବିମାନ ଖରିଦ କ୍ଷେତ୍ରରେ ଏକ ବଡ଼ ଦୁର୍ନୀତି ହୋଇଛି । ଜଣେ ବ୍ୟବସାୟୀଙ୍କୁ ଫାଇଦା ପହଞ୍ଚାଇବାକୁ ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫ୍ରାନ୍ସ ଗସ୍ତରେ ଯାଇଥିଲେ ବୋଲି କଂଗ୍ରେସ ସଭାପତି ରାହୁଲ ଗାନ୍ଧି ଅଭିଯୋଗ କରିଛନ୍ତି । ଏହି ବହୁ କୋଟି ଟଙ୍କାର କାରବାରରେ ବିଭିନ୍ନ ତଥ୍ୟକୁ ମୋଦି ସରକାର କାହିଁକି ଲୁଚାଉଛନ୍ତି ବୋଲି ରାହୁଲ ପ୍ରଶ୍ନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
୩୬ଟି ରାଫେଲ ବିମାନ ଖରିଦ ବାବଦରେ ଫ୍ରାନ୍ସ ସରକାରଙ୍କ ସହ ହୋଇଥିବା ଚୁକ୍ତି ସଂପର୍କିତ ତଥ୍ୟ କ୍ଲାସିଫାଏଡ୍ ଇନଫର୍ମେସନ ବା ଗୋପନୀୟ ସୂଚନା ହୋଇଥିବାରୁ ତାହା ପ୍ରଦାନ କରିହେବ ନାହିଁ ବୋଲି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ନିକଟରେ କହିଥିଲେ । ସମାଜବାଦୀ ପାର୍ଟି ସାଂସଦ ନରେଶ ଅଗ୍ରଓ୍ଵାଲଙ୍କ ପ୍ରଶ୍ନର ଉତ୍ତର ଦେଇ ସେ ଏ କଥା କହିଥିଲେ । ଭାରତ ସରକାର ଓ ଫ୍ରାନ୍ସ ସରକାରଙ୍କ ମଧ୍ୟରେ ହୋଇଥିବା ସରକାର ସ୍ତରୀୟ ଚୁକ୍ତିର ଧାରା ୧୦ ଅନୁସାରେ ରାଫେଲ ଖରିଦ ପାଇଁ ହୋଇଥିବା ଚୁକ୍ତିର ସବୁ ତଥ୍ୟ ଗୋପନୀୟ ନିୟମ ମଧ୍ୟରେ ଆସୁଅଛି ବୋଲି ସେ କହିଥିଲେ ।
Why is the Defence Minister going back on her words? What is the Govt hiding in the Rafale deal?#UTurnSarkar #TheGreatRafaleMystery pic.twitter.com/tB7gq42ftt
— Congress (@INCIndia) February 6, 2018
ଗତ ନଭେମ୍ବର ମାସରେ ନିର୍ମଳା ସୀତାରମଣ କହିଥିଲେ ଯେ ରାଫେଲ ଖରିଦ କରିବା ପାଇଁ ଏନଡିଏ ସରକାର କରିଥିବା ଚୁକ୍ତି ୟୁପିଏ ସରକାରଙ୍କ ଚୁକ୍ତି ତୁଳନାରେ ଅଧିକ ଉତ୍ତମ । ଏହା ପ୍ରମାଣ କରି ଦେଖାଇପାରିବେ ବୋଲି ସେ କହିଥିଲେ । କିନ୍ତୁ ଏବେ ତଥ୍ୟ ଦେଉନଥିବାରୁ ଏକ ବଡ଼ ଦୁର୍ନୀତି ଥିବା ଜଣାପଡୁଛି ବୋଲି କଂଗ୍ରେସ କହିଛି ।