ପୋଷା କୁକୁର ପୋଷ୍ଟ କରୁଛି ରାହୁଳ ଗାନ୍ଧୀଙ୍କ ଟୁଇଟ୍
ନୂଆଦିଲ୍ଲୀ: ହଠାତ୍ ସେ କିପରି ଟୁଇଟର୍ରେ ଏତେ ଜନପ୍ରିୟ ହେଲେ ବୋଲି ସମାଲୋଚକମାନେ ପଚାରୁଥିବା ପ୍ରଶ୍ନର ରବିବାର ଦିନ ଶାଣିତ ଉତ୍ତର ଦେଇଛନ୍ତି କଂଗ୍ରେସ ଉପାଧ୍ୟକ୍ଷ ରାହୁଳ ଗାନ୍ଧୀ। ଏକ ଟୁଇଟ୍ରେ ସେ ସ୍ୱୀକାର କରିବା ପୂର୍ବକ ଉଲ୍ଲେଖ କରିଛନ୍ତି କି, ତାଙ୍କ ପୋଷ୍ଟ୍ ଅନ୍ତରାଳରେ ରହିଛି ତାଙ୍କ ପୋଷା କୁକୁର। ତାଙ୍କ ପୋଷା କୁକୁରର ଏକ ଭିଡିଓ ମଧ୍ୟ ସେ ପୋଷ୍ଟ୍ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଲୋକେ ମୋତେ ପଚାରି ଆସୁଛନ୍ତି ଏ ଟୋକା ପାଇଁ କିଏ ଟୁଇଟ୍ କରୁଛି… ମୁଁ ସ୍ପଷ୍ଟ କରି ଦେଉଛି, ସେ ହେଉଛି ମୁଁ… ପିଡି। ମୁଁ ତାଙ୍କ ଚାହିଁ ଟିକେ ଧୀର ମତି। ଦେଖ ମୁଁ ଟୁଇଟ୍ରେ କ’ଣ କରି ପାରୁଛି… ଭୋ… ବିସ୍କୁଟ୍! ବୋଲି ରାହୁଳ ଟୁଇଟ୍ କରିଛନ୍ତି।
ଏହି ପୋଷ୍ଟ୍ଟି ଉଲ୍ଲେଖଯୋଗ୍ୟ ସଂଖ୍ୟକ ମତାମତ ଆକୃଷ୍ଟ କରି ପାରିଛି। ଆସାମସ୍ଥିତ ପୂର୍ବତନ କଂଗ୍ରେସ କର୍ମକର୍ତ୍ତା ତଥା ଏବକାର ବିଜେପି ମନ୍ତ୍ରୀ ହିମନ୍ତ ବିଶ୍ୱାସ ଶର୍ମା କହିଛନ୍ତି ଯେ ୨୦୧୬ରେ ବିଧାନସଭା ନିର୍ବାଚନ ପୂର୍ବରୁ ଶର୍ମା ରାଜନୈତିକ ମାମଲା ଆଲୋଚନା
କରିବାକୁ ଗଲାବେଳେ ରାହୁଳ ସେ କୁକୁରକୁ ଖୁଆଉ ଥିବାର ସେ ଦେଖିଥିଲେ ଏବଂ ଏବେ ତାକୁ ଚିହ୍ନି ପାରୁଛନ୍ତି।
ଶର୍ମା ଟୁଇଟ୍ରେ ଲେଖିଛନ୍ତି: ମହାଶୟ ମୋ ଠାରୁ ତାକୁ କିଏ ବେଶି ଜାଣେ। ଏବେ ବି ମନେ ଅଛି ଜରୁରୀ ଆମେ ଆସାମ ମାମଲା ଆଲୋଚନା କରିବାକୁ ଚାହୁଁଥିବାବେଳେ ଆପଣ ତାକୁ ବିସ୍କୁଟ୍ ଖୁଆଉଥିଲେ। ଶର୍ମାଙ୍କର ଏହି ଅଭିଯୋଗ ଆଉ ଏକ କ୍ଷୁଦ୍ର କଳହର ସୂତ୍ରପାତ କରିଛି।
ସେ ଭିଡିଓରେ ରାହୁଳ ତାଙ୍କ ପୋଷା କୁକୁର ପିଡିକୁ ନମସ୍ତେ କହିବାକୁ ଉତ୍ସାହ ଦେଉଛନ୍ତି। ତାହା ଶୁଣି ଶ୍ୱାନଟି ନିଜର ପଛ ଦୁଇ ଗୋଡ଼ରେ ଛିଡ଼ା ହୋଇ ପଡୁଛି। ପିଡିର ଥୋମଣିରେ ଏକ କୁକୁର-ବିସ୍କୁଟ୍ ରଖି ରାହୁଳ ତାକୁ ସେମିତି ରହିବାକୁ ନିର୍ଦେଶ ଦେଉଛନ୍ତି। ତା’ପରେ ତାଙ୍କର ଆଙ୍ଗୁଠି ଚାଳନା ସହ କୁକୁର ବଡ଼ କୌଶଳରେ ନିଜ ମୁଣ୍ଡକୁ ଟିକେ ବୁଲେଇ ଦେଉଛି ଏବଂ ବିସ୍କୁଟ୍ ଖଣ୍ଡିକ ଉଭେଇ ଯାଉଛି। ରାହୁଳ କହୁଛନ୍ତି: ଗୁଡ୍ ବୟ।
ଏବେ ରାହୁଳ ପୋଷ୍ଟ୍ କରୁଥିବା ବୁଦ୍ଧିଦୀପ୍ତ ଟୁଇଟ୍ଗୁଡ଼ିକ ତାଙ୍କ ନିଜର ନୁହେଁ ଏବଂ ତାହା ଦଳେ ଉତ୍ସର୍ଗୀକୃତ ସାମାଜିକ ଗଣମାଧ୍ୟମ ବିଶେଷଜ୍ଞମାନଙ୍କ ଦ୍ୱାରା ପରିଚାଳିତ ବୋଲି ସମାଲୋଚକଗଣ କହିବାରୁ ରାହୁଳ ଏ ପରି ଟୁଇଟ୍ କରିଛନ୍ତି।
ନିକଟ ଅତୀତରେ କଂଗ୍ରେସ ଉପାଧ୍ୟକ୍ଷ ପୋଷ୍ଟ୍ କରୁଥିବା ଟୁଇଟ୍ଗୁଡ଼ିକ ସବୁବେଳେ ସମ୍ବାଦପତ୍ରର ହେଡ୍ଲାଇଲ୍ରେ ଛାପା ଯାଉଛି। ଟୁଇଟ୍ରେ ତାଙ୍କର ହଠାତ୍ ଉତ୍ଥାନ ଏବଂ ଅନୁଗାମୀମାନଙ୍କ ସଂଖ୍ୟା ବୃଦ୍ଧି ଆଲୋଚନାର ପ୍ରସଙ୍ଗ ପାଲଟିଛି। ଏ ବର୍ଷ ଜୁଲାଇରୁ ସେପ୍ଟେମ୍ବର ମଧ୍ୟରେ ତାଙ୍କର ଟୁଇଟର୍ ହ୍ୟାଣ୍ଡ୍ଲ୍ @OfficeOfRG ଏକ ନିୟୁତରୁ ଅଧିକ ନୂତନ ଅନୁଗାମୀ ପାଇଛି।
ତାଙ୍କର ଅନ୍ୟତମ ଜନପ୍ରିୟ ଟୁଇଟ୍ରେ– ଅକ୍ଟୋବର ୧୫ ତାରିଖ ଦିନ ପାକିସ୍ତାନ ସହ ସମ୍ପର୍କ ଉନ୍ନତି କରାଇବା ସମ୍ବନ୍ଧୀୟ ଆମେରିକୀୟ ରାଷ୍ଟ୍ରପତି ଡୋନାଲ୍ଡ୍ ଟ୍ରମ୍ପ୍ ଟୁଇଟ୍ ପଢ଼ି ରାହୁଳ ମୋଦିଙ୍କ ଉଦ୍ଦେଶ୍ୟରେ ଟୁଇଟ୍ କରିଥିଲେ: ମୋଦି ଜୀ ତୁରନ୍ତ ବାହାରି ପଡ଼ନ୍ତୁ, ରାଷ୍ଟ୍ରପତି ଟ୍ରମ୍ପ୍ ଆଉ ଏକ ଆଲିଙ୍ଗନ ଆବଶ୍ୟକ କରୁଥିବା ପରି ମନେ ହୁଏ।