ଶ୍ରମିକ ସ୍ପେଶାଲ ଟ୍ରେନରେ ଏଣିକି ମାଗଣାରେ ୫ ବୋତଲ ପାଣି ଦେବ ରେଳ ମନ୍ତ୍ରାଳୟ
ନୂଆଦିଲ୍ଲୀ: ଦିନକୁ ଦିନ ବଢୁଥିବା ତାତିକୁ ନଜରରେ ରଖି ଶ୍ରମିକ ସ୍ପେଶାଲ ଟ୍ରେନରେ ଯାତ୍ରା କରୁଥିବା ଶ୍ରମିକ ଏବଂ ସେମାନଙ୍କ ପରିବାର ପାଇଁ ରେଳ ମନ୍ତ୍ରାଳୟ ଏକ ସ୍ୱତନ୍ତ୍ର ଉପହାର ଦେବାକୁ ନିଷ୍ପତ୍ତି ନେଇଛି | ଶୋଷ ମେଣ୍ଟାଇବାରେ ଅସୁବିଧାର ସମ୍ମୁଖୀନ ନ ହେବାପାଇଁ ଶ୍ରମିକଙ୍କ ପରିବାର ପିଛା ୫ଟି ପାଣି ବୋତଲ ଦିଆଯିବାକୁ ନିଷ୍ପତ୍ତି ନିଆଯାଇଛି | ରେଳ ପ୍ରଶାସନ ନିଷ୍ପତ୍ତି ନେଇଛି ଯେ ବର୍ତ୍ତମାନ ଶ୍ରମିକ ସ୍ପେଶାଲ ଟ୍ରେନରେ ପ୍ରତ୍ୟେକ ଯାତ୍ରୀଙ୍କୁ ଖାଦ୍ୟ ପ୍ୟାକେଟ୍ ସହିତ ୪ଟି ରେଳ ନିର ଫ୍ରିରେ ଦିଆଯିବ।
Sambad is now on WhatsApp
Join and get latest news updates delivered to you via WhatsApp
ଯଦି ଯାତ୍ରା ଦୀର୍ଘସ୍ଥାୟୀ ହୁଏ ତେବେ ଯାତ୍ରୀମାନେ ମାଗଣାରେ ୫ ବୋତଲ ପାଣି ପାଇବେ | ରେଳ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଦିନକୁ ଦିନ ତାପମାତ୍ରା ବଢ଼ୁଥିବାରୁ ଏସି ନଥିବା କୋଚରେ ଯାତ୍ରା କରିବା ସମୟରେ ଏହା ସ୍ପଷ୍ଟ ଯେ ସମସ୍ତଙ୍କୁ ଶୋଷ ହେଉଥିବ | ତେଣୁ ଏଭଳି ପରିସ୍ଥିତିରେ ମାଗଣାରେ ପାଣି ବୋତଲ ଦିଆଯିବାକୁ ନିଷ୍ପତ୍ତି ନିଆଯାଇଛି |
ରେଳ ନିର ଉତ୍ପାଦନ କରୁଥିବା ସରକାରୀ କମ୍ପାନୀ ଆଇଆରସିଟିସି ପକ୍ଷରୁ କୁହାଯାଇଛି ଯେ ଦେଶର କୌଣସି ସ୍ଥାନରେ ରେଳ ନିର ବୋତଲର ଅଭାବ ରହିବ ନାହିଁ। ସମ୍ପ୍ରତି ଦେଶରେ ୧୧ ଟି ପ୍ଲାଣ୍ଟ କାର୍ଯ୍ୟ କରୁଛି | ଏଥିମଧ୍ୟରୁ ପ୍ରତିଦିନ ୧୧.୬୦ ଲକ୍ଷରୁ ଅଧିକ ବୋତଲ ଉତ୍ପାଦନ କରାଯାଉଛି |