ଜୟପୁର: ବେକାର ସମସ୍ୟା ନେଇ ରାଜନୀତି ସରଗରମ ଥିବାବେଳେ ରାଜସ୍ଥାନ ସରକାର କରିଛନ୍ତି ବଡ଼ ଘୋଷଣା । ରାଜସ୍ଥାନରେ କଂଗ୍ରେସ ସରକାର ବେରୋଜଗାର ଯୁବକଯୁବତୀଙ୍କ ପାଇଁ ମାସିକ ୩୫୦୦ ଟଙ୍କାର ଭତ୍ତା ଘୋଷଣା କରିଛନ୍ତି । ଆସନ୍ତା ମାର୍ଚ୍ଚ ୧ ତାରିଖରୁ ଏହି ଟଙ୍କା ବେକାର ଯୁବକ ଯୁବତୀଙ୍କ ବ୍ୟାଙ୍କ ଖାତାକୁ ଯିବ । ଆଗମୀ ୨ ବର୍ଷ ପାଇଁ ବେରାଜଗାର ଯୁବକ ଯୁବତୀଙ୍କୁ ଏହି ରାଶି ପ୍ରଦାନ କରିବେ ରାଜସ୍ଥାନ ସରକାର ।
Sambad is now on WhatsApp
Join and get latest news updates delivered to you via WhatsApp
ମୁଖ୍ୟତଃ ଗ୍ରାଜୁଏସନ କରିଥିବା ଯୁବକଯୁବତୀ, ଯେଉଁମାନେ କୌଣସି ବି କମ୍ପାନୀରେ ଚାକିରି ପାଇ ନାହାଁନ୍ତି ସେମାନଙ୍କୁ ଏହି ଆର୍ଥିକ ସହାୟତା ମିଳିବ । ତେବେ ଗୋଟିଏ ପରିବାରରୁ ସର୍ବାଧିକ ୨ଜଣ ବେକାର ଯୁବକଯୁବତୀ ଏ ନେଇ ଆବେଦନ କରିପାରିବେ । ତେବେ ଯଦି କୌଣସି ଯୁବକଯୁବତୀ ସରକାରଙ୍କ ଅନ୍ୟ କୌଣସି ଯୋଜନାରେ କୌଣସି ବୃତ୍ତି ରାଶି ବା ଆର୍ଥିକ ସହାୟତା ପାଉଛନ୍ତି ସେମାନଙ୍କୁ ଏହି ଅର୍ଥ ମିଳିବ ନାହିଁ। ଏହା ସହ ଆବେଦନକାରୀ ରାଜସ୍ଥାନର ମୂଳ ବାସିନ୍ଦା ହୋଇଥିବା ଦରକାର ।
ରାଜସ୍ଥାନ ନିର୍ବାଚନ ଜିତିବା ପରେ ବେକାର ଯୁବକଯୁବତୀଙ୍କୁ ମାସିକ ୩୫୦୦ଟଙ୍କାର ଆର୍ଥିକ ପ୍ରୋତ୍ସାହନ ନେଇ କଂଗ୍ରେସ ଘୋଷଣା କରିଥିଲା । ଆଉ ବର୍ତମାନ ଯେତେବେଳେ ସର୍ବନିମ୍ନ ଆୟ ନେଇ ସାରା ଦେଶରେଚର୍ଚ୍ଚା ଚାଲିଛି,ଠିକ ସେତିକି ବେଳେ ନିର୍ବାଚନୀ ବର୍ଷରେ ରାଜସ୍ଥାନରେ କଂଗ୍ରେସ ସରକାର ଏକ ବଡ ଘୋଷଣା କରିଛନ୍ତି । ରାଜସ୍ଥାନ ମୁଖ୍ୟମନ୍ତ୍ରୀ ଏ ନେଇ ଘୋଷଣା କରିଥିବା ବେଳେ ଯୋଜନାରେ ନାଁ ରାଜସ୍ଥାନ ମୁଖ୍ୟମନ୍ତ୍ରୀ ବେରୋଜଗାର ଭତ୍ତା ୨୦୧୯ ରଖାଯାଇଛି । ଯେଉଁଥିରେ ଆଗାମୀ ୨ ବର୍ଷ ଧରି ବେକାର ଯୁବକ ଯୁବତୀଙ୍କୁ ମାସିକ ୩୫୦୦ ଟଙ୍କା ହିସାବରେ ମୋଟ ୮୪ ହଜାର କୋଟି ଟଙ୍କା ପ୍ରଦାନ କରିବେ ରାଜସ୍ଥାନ ସରକାର ।