ଦୁଇଟି ଇଞ୍ଜିନ୍ ଲାଗିବା ପରେ ଏବେ ଅଧିକ ଯାତ୍ରୀଙ୍କୁ ନେଇ କମ ସମୟରେ ଗନ୍ତବ୍ୟ ସ୍ଥଳରେ ପହଞ୍ଚାଇବ ରାଜଧାନୀ ଏକ୍ସପ୍ରେସ୍
ନୂଆଦିଲ୍ଲୀ : ଭାରତୀୟ ରେଳ ରାଜଧାନୀ ଏକ୍ସପ୍ରେସ୍ରେ ଦୁଇଟି ଇଞ୍ଜିନ ଲଗାଇବା ପରେ ପ୍ରିମିୟମ୍ ଟ୍ରେନ୍ଗୁଡ଼ିକ ଏବେ ନିଜ ଗନ୍ତବ୍ୟସ୍ଥଳରେ କମ ସମୟ ମଧ୍ୟରେ ପହଞ୍ଚି ପାରିବ । ସାଧାରଣତଃ ଭାବେ ଏହି ଟ୍ରେନ୍ଗୁଡ଼ିକ ଗୋଟେ ଇଞ୍ଜିନରେ ଯାତାୟତ କରିଥାଏ । କିନ୍ତୁ ଫେବୃଆରୀ ୧୩ରେ ଦିଲ୍ଲୀ-ମୁମ୍ବାଇ ଯାଉଥିବା ରାଜଧାନୀ ଏକ୍ସପ୍ରେସ୍ରେ ଦୁଇଟି ଇଞ୍ଜିନ୍ ଲଗା ଯାଇ ପରୀକ୍ଷା କରାଯାଇଥିଲା । ଯାହା ସଫଳ ହେବା ସହ ଦିଲ୍ଲୀ-ମୁମ୍ବାଇ ଯିବା ପାଇଁ ଲାଗୁଥିବା ସମୟର ୧୦୬ମିନିଟ୍ ପୂର୍ବରୁ ଟ୍ରେନ୍ଟି ମୁମ୍ବାଇରେ ଯାଇ ପହଞ୍ଚି ଥିଲା ।
Sambad is now on WhatsApp
Join and get latest news updates delivered to you via WhatsApp
ଏକ୍ସପ୍ରେସର ଆଗରେ ଗୋଟେ ଏବଂ ପଛରେ ଗୋଟେ ଇଞ୍ଜିନ୍ ଲାଗିଥିବା ବେଳେ ଏହା ଟ୍ରେନ୍ର ଗତିକୁ ବଢ଼ାଇବ ବୋଲି ଜଣା ପଡ଼ିଛି । ଯାହାଦ୍ୱାରା ଯାତ୍ରୀମାନେ କମ ସମୟ ମଧ୍ୟରେ ନିଜ ନିଜର ଗନ୍ତବ୍ୟସ୍ଥଳକୁ ଯାଇ ପାରିବେ । ଏହାର ପରୀକ୍ଷା ସଫଳ ହେବା ପରେ ଏବେ ସବୁ ରାଜଧାନୀ ଏକ୍ସପ୍ରେସ୍ରେ ଏଭଳି ସୁବିଧା କରିବା ପାଇଁ ଆଦେଶ ଦିଆ ଯାଇଛି । ଦୁଇ ଇଞ୍ଜିନ୍ ସହ ଟ୍ରେନ୍ରେ ଦୁଇଟି ଯାତ୍ରୀବାହୀ ବଗି ମଧ୍ୟ ଲଗାଯିବାର ଯୋଜନା ରହିଛି ।