ଚଳିତ ସପ୍ତାହରେ ଜେଲରୁ ମୁକୁଳବେ ନଳିନୀ ଶ୍ରୀହରନ, ରାଜୀବ ଗାନ୍ଧି ହତ୍ୟା ମାମଲାରେ ଆଜୀବନ ଜେଲଦଣ୍ଡ ଭୋଗୁଛନ୍ତି ନଳିନୀ
ଚେନ୍ନାଇ : ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କ ହତ୍ୟା ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ନଳିନୀ ଶ୍ରୀହରନ ଚଳିତ ସପ୍ତାହ ଶେଷ ବେଳକୁ ଜେଲରୁ ପ୍ୟାରୋଲରେ ମୁକୁଳିପାରେ । ଗତ ୫ ତାରିଖରେ ମାଡ୍ରାସ ହାଇକୋର୍ଟ ତାଙ୍କୁ ୧ ମାସର ପ୍ୟାରୋଲ ପ୍ରଦାନ କରିଥିଲେ । ନିଜର ପ୍ୟାରୋଲ ସମୟରେ ସେ ଚେନ୍ନାଇର କୋଟ୍ଟୁରପୁରମ କିମ୍ବା ଭେଲୋରର ସେତୁଭାଚାରୀରେ ରହିପାରିବେ ।
Sambad is now on WhatsApp
Join and get latest news updates delivered to you via WhatsApp
ନିଜ ଝିଅ ବାହାଘରର ପ୍ରସ୍ତୁତି କରିବା ପାଇଁ ନଳିନୀ ୬ ମାସ ପ୍ୟାରୋଲ ରେ ବାହାରିବା ପାଇଁ ଆବେଦନ କରିଥିଲେ। କିନ୍ତୁ ମାଡ୍ରାସ ହାଇକୋର୍ଟ ନଳିନୀଙ୍କୁ ମାତ୍ର ୩୦ ଦିନ ପାରୋଲ୍ ମଂଜୁର କରିଥିଲେ । ମାଡ୍ରାସ ହାଇକୋର୍ଟରେ ଜଷ୍ଟିସ୍ ଏମ୍ଏମ୍ ସୁନ୍ଦ୍ରେଶ ଏବଂ ଜଷ୍ଟିସ୍ ଏମ ନିର୍ମଳ କୁମାରଙ୍କ ଖଣ୍ଡପୀଠ ନଳିନୀଙ୍କ ଆବେଦନର ଶୁଣାଣି କରି ତାଙ୍କୁ ପାରୋଲ୍ ମଂଜୁର କରିଥିଲେ । ନଳିନୀ କୋର୍ଟ ରୁମରେ ବ୍ୟକ୍ତିଗତ ଭାବେ ଉପସ୍ଥିତ ରହି ପ୍ୟାରୋଲ ଆବେଦନ ପାଇଁ ନିଜର ପକ୍ଷ ରଖିଥିଲେ । ତେବେ ଝିଅ ବାହାଘର ପ୍ରସ୍ତୁତି କରିବାପାଇଁ ନଳିନୀ ୬ ମାସ ପାରୋଲ୍ ପାଇଁ ଆବେଦନ କରିଥିଲେ। କିନ୍ତୁ ଖଣ୍ଡପୀଠ କହିଥିଲେ ଯେ , ଦଣ୍ଡାଦେଶର ନିୟମ ଅନୁଯାୟୀ ଜଣେ କଏଦୀଙ୍କୁ ଅତି ବେଶୀରେ ୩୦ ଦିନ ପାରୋଲ୍ ମିଳିପାରିବ। ତେବେ ନଳିନୀ ଏହି ପାରୋଲ୍ ସମୟରେ କୌଣସି ରାଜନେତାଙ୍କୁ ଭେଟିପାରିବେ ନାହିଁ ଏବଂ ଗଣାମାଧ୍ୟମରେ ନିଜ ପ୍ରତିକ୍ରିୟା ରଖିପାରିବେ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି।