ଆତ୍ମହତ୍ୟା କରିବା ପରେ ଡ଼ାକ୍ତର କହିଲେ ମୃତକ ଯୁବକ ନୁହନ୍ତି ଯୁବତୀ! ପୁଲିସ ଏବଂ ପରିବାର ଲୋକଙ୍କ ଉଡ଼ିଗଲା ହୋସ, ଜାଣନ୍ତୁ କ’ଣ ଥିଲା ପୂରା ଘଟଣା
ଡେରାବସ୍ସି(ପଞ୍ଜାବ) : ପଞ୍ଜାବର ଡେରାବସ୍ସିରେ ଘଟିଥିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଜନ୍ମ ପରେ ନୁହେଁ, ବରଂ ୨୨ବର୍ଷ ବୟସରେ ଆତ୍ମହତ୍ୟା କରିବା ପରେ ମୃତକ ଯୁବକ ନୁହଁନ୍ତି ବରଂ ଯୁବତୀ ବୋଲି ଜଣା ପଡ଼ିଛି । ଡ଼ାକ୍ତରଙ୍କଠାରୁ ଏକଥା ଶୁଣି ମୃତଦେହ ଉଦ୍ଧାର କରିଥିବା ପୁଲିସ ସମେତ ପରିବାର ଲୋକଙ୍କୁ ମଧ୍ୟ ଶକ୍ତ ଧକ୍କା ଲାଗିଛି । ପ୍ରଥମେ ମୃତକ କବୀର ରାୟ ନିଜେ ଜଣେ ଯୁବତୀ ବୋଲି ଜାଣି ଆତ୍ମହତ୍ୟା କରିଥିବା କଥା ପୁଲିସ ଭାବୁଥିବା ବେଳେ ପରେ ସୁଇସାଇଡ୍ ନୋଟ୍ରେ ଏହା ଭୁଲ ପ୍ରମାଣିତ ହୋଇଥିଲା । ପ୍ରେମିକାଙ୍କ ମୃତ୍ୟୁ ହେବା ପରେ ଦୁଃଖକୁ ସହି ନ ପାରି କବୀର ଆତ୍ମହତ୍ୟା କରିଥିବା କଥା ସୁଇସାଇଡ୍ ନୋଟ୍ରେ ଲେଖିଥିଲେ । ଏହା ସହ ତାଙ୍କ ଅସ୍ଥିି ପ୍ରେମିକାଙ୍କ ଅସ୍ଥି ବିସର୍ଜନ କରାଯାଇଥିବା ସ୍ଥାନରେ କରିବା ପାଇଁ ମଧ୍ୟ ସେ ଲେଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ କବୀର କ’ଣ ପାଇଁ ନିଜ ଲିଙ୍ଗକୁ ନେଇ ପରିବାରକୁ ଲୁଚାଇଥିଲେ ତାହା ଏବେ ପୁଲିସ ପାଇଁ ଏକ ବଡ଼ ପ୍ରଶ୍ନବାଚୀ ପାଲଟିଛି । ଶନିବାର ଡ଼ାକ୍ତର କବୀରଙ୍କୁ ଯୁବତୀ ବୋଲି କହିବା ପରେ ଏହାକୁ ସହଜରେ ଗ୍ରହଣ କରି ପାରି ନ ଥିଲେ ପରିବାର ଲୋକେ ।
ଖାସ୍ କରି କବୀରଙ୍କ ଭଉଣୀ ଏହାକୁ ଗ୍ରହଣ କରି ପାରି ନାହାନ୍ତି । ଏତେ ବର୍ଷ ରହିବା ପରେ ମୁଁ କବୀର ମୋ ଭାଇ ନୁହେଁ ଭଉଣୀ ବୋଲି ଜାଣି ପାରି ନଥିଲି । କିନ୍ତୁ ଶବ ବେବଚ୍ଛେଦ ପରେ ଡ଼ାକ୍ତରଙ୍କ କଥା ମୋତେ ଆଶ୍ଚର୍ଯ୍ୟ କରିଥିଲା । ଯାହା ପରେ ମୁଁ ଯାଇ କବୀରଙ୍କ ଉପରୁ କପଡ଼ା ହଟାଇ ଦେଖିବା ପରେ ସେ ଯୁବତୀ ଥିଲେ ବୋଲି ଜାଣିଥିଲି । କିନ୍ତୁ ସେ ଏକଥା ଆମ ସମସ୍ତଙ୍କୁ କ’ଣ ପାଇଁ ଲୁଚାଇଥିଲେ,ତାହା ମୁଁ ଜାଣି ପାରୁ ନାହିଁ ବୋଲି କବୀରଙ୍କ ଭଉଣୀ କହିଛନ୍ତି । ଏବେ ଉଠୁଥିବା ଏହି ପ୍ରଶ୍ନର ଉତ୍ତର ଖୋଜିବା ଆରମ୍ଭ କରିଛି ପୁଲିସ ।