ଚଳନ୍ତା ବସ୍ରେ ଚୁମ୍ବନ ଦେବାକୁ ମନା କରିବାରୁ ଫ୍ଲାଇଟ୍ ଆଟେଣ୍ଡାଣ୍ଟ ଏବଂ ତାଙ୍କ ପ୍ରେମିକାଙ୍କୁ ମାଡ଼ ମାରିଲେ ଯୁବକ
ନୂଆଦିଲ୍ଲୀ : ଲଣ୍ଡନରେ ଚଳନ୍ତା ବସ୍ରେ ଜଣେ ଫ୍ଲାଇଟ୍ ଆଟେଣ୍ଡାଣ୍ଟ ଏବଂ ତାଙ୍କ ପ୍ରେମିକାଙ୍କୁ ମାଡ଼ ମରାଯିବା ଘଟଣାକୁ ନେଇ ଏବେ ଚାରିଆଡ଼େ ଚର୍ଚ୍ଚା ଆରମ୍ଭ ହୋଇ ଯାଇଛି । ଦୁହେଁ ବସ୍ରେ ଯାଉଥିବା ବେଳେ ଉପସ୍ଥିତ ଥିବା କିଛି ଯୁବକ ନିଜର ମନୋରଞ୍ଜନ ପାଇଁ ଦୁହିଁଙ୍କୁ ଚୁମ୍ବନ କରିବା ପାଇଁ କହିଥିଲେ । କିନ୍ତୁ ଦୁହେଁ ପରସ୍ପରକୁ ଚୁମ୍ବନ କରିବାକୁ ମନା କରିବାରୁ ଉପସ୍ଥିତ ଯୁବକ ଦୁଇ ଜଣଙ୍କୁ ମାଡ଼ ମାରି ରକ୍ତାକ୍ତ କରି ଦେଇଥିଲେ । ଘଟଣାଟି ମେ’ ୩୦ରେ ଘଟିଥିବା ବେଳେ ତାହା ଏବେ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୮ବର୍ଷୀୟ ମେଲାନିୟା ଗିୟୋମୋନଟ ଏବଂ ତାଙ୍କ ଆମେରିକୀ ପ୍ରେମିକା କ୍ରିଶ ଉରୁଗେ୍ଵରୁ େଓ୍ଵଷ୍ଟ ହାମ୍ପଷ୍ଟେଡ୍ ଆଡ଼କୁ ଯାଉଥିଲେ । ଦୁହେଁ ବସ୍ରେ ଏକା ଥିବା ବେଳେ ବସ୍ ପଛରେ ବସିଥିବା କିଛି ଯୁବକ ହଠାତ ଦୁହିଁଙ୍କୁ ଚୁମ୍ବନ ଦେବାକୁ କହିବା ଆରମ୍ଭ କରିଥିଲେ । ଗୁଣ୍ଡାଗର୍ଦି କରିବା ସହ ଆମକୁ ଶାରୀରିକ ସଂପର୍କ ରଖିବା ପାଇଁ ବାଧ୍ୟ କରିଥିଲେ । ମେଲାନିୟା ଏହାକୁ ବିରୋଧ କରିବା ପରେ ଅଭିଯୁକ୍ତମାନେ ମେଲାନିୟା ଏବଂ ତାଙ୍କ ଆମେରିକୀ ପ୍ରେମିକା କ୍ରିଶଙ୍କୁ ମାଡ଼ ମାରି ତାଙ୍କ ପାଖରେ ଥିବା ଜିନିଷ ଚୋରି କରି ସେଠାରୁ ଫେରାର ହୋଇ ଯାଇଥିଲେ । ମେଲାନିୟା ଏ ନେଇ ଫେସ୍ବୁକ୍ରେ ଲେଖି ପୋଷ୍ଟ କରିବା ପରେ ଘଟଣାଟି ସାମ୍ନାକୁ ଆସିଛି ।